डा. बाबुराम भट्टराईले गठन गरेको नयाँ पार्टी नेपाल समाजवादी पार्र्टीको पहिलो बैठक शनिवार बस्ने भएको छ । 

शनिवारका लागि बैठक बोलाइएको भट्टराई निकट रहेका विश्वदीप पाण्डेले जानकारी दिए । 

काठमाडौंमा हुने बैठकमा विविध एजेण्डामाथि छलफल हुने पार्टीले जनाएको छ ।

बैठकमा संगठन निर्माणसम्बन्धी छलफल प्रमुख एजेण्डा रहेको छ ।

यस्तै केन्द्रीय समिति पुनर्गठन, कार्यकारिणी समिति र पदाधिकारीको निर्णय, नेता तथा कार्यकर्ताहरूको कार्यविभाजन सम्बन्धी निर्णय बैठकले गर्ने पाण्डेले जानकारी दिए ।  

यसका साथै बैठकमा आगामी निर्वाचनबारे पनि छलफल हुने र चुनावी रणनीतिबारे आवश्यक निर्णय हुने पनि बताइएको छ ।

निर्वाचन आयोगसम्बन्धी कार्य तथा अन्य विविध विषयमा पनि बैठकमा छलफल हुनेछ ।