धितोपत्र बजारमा शेयर कारोबार मापक नेप्से परिसूचक सोमवार दोहोरो अंकले ओरालो लागेको छ ।

नेपाल स्टक एक्सचेञ्जका अनुसार नेप्से परिसूचक १७.६८ अंकले ओरालो लागेर २ हजार १०६.१५ मा ओर्लेको छ । 

ठूला कम्पनीको कारोबार मापन गर्ने सेन्सेटिभ परिसूचक ३.४४ अंकले ओरालो लागेर ४०६.११ मा सीमित भएको छ । कूल २१४ कम्पनीको ६५ लाख २७ हजार ४१४ कित्ता शेयर २ अर्ब ८५ करोड ७० लाख ७२ हजार ९६१ रुपैयाँ मूल्यमा कारोबार भयो । 

कारोबार भएका कूल १३ उपसमूहमध्ये सोमवार २ उपसमूहको शेयर मूल्य उकालो लागेको छ भने ११ उपसमूहको शेयर मूल्य ओरालो लागेको छ । उत्पादन ५.६४ र सामूहिक लगानी कोष ०.०४ अंकले उकालो लागेको छ । 

बैंकिङ ५.८४, व्यापार ११.३८, होटल तथा पर्यटन ४६.१६, विकास बैंक ५२.०३, जलविद्युत् २६.८१, वित्त २४.८४, निर्जीवन बीमा ३६.४८, अन्य ३८.६५, लघुवित्त १७.४८, जीवन बीमा १०१.९२ र लगानी ०.९८ अंकले ओरालो लागेको छ ।

कारोबारका आधारमा शिवम् सिमेन्ट शीर्ष स्थानमा छ । कम्पनीको २० करोड ७१ लाख ६९ हजार ९३५ रुपैयाँ बराबरको कारोबार भयो ।

नबिल बैंक १० करोड ८५ लाख ४३ हजार १५१ रुपैयाँ, नागरिक लगानी कोष ८ करोड २१ लाख २८ हजार ९६९ रुपैयाँ, नेसनल हाइड्रोपावर ७ करोड ६५ लाख ९१ हजार ५४५ रुपैयाँ र हिमालयन डिस्टिलरी ७ करोड १८ लाख ४४ हजार ३४२ रुपैयाँ बराबरको कारोबार भई शीर्ष ५ भित्र पर्न सफल भए । 

नेप्सेका अनुसार गुराँस लघुवित्त र हिमालयन हाइड्रोपावरको शेयर मूल्यमा १० प्रतिशतले वृद्धि भई सकारात्मक सर्किट लाग्यो । युनिलिभर नेपाल ५.५९, आरबीबी म्युचुअल फण्ड ५.१९, समता घरेलु लघुवित्तका लगानीकर्ताले ४.०६ प्रतिशतले कमाए ।

जानकी फाइनान्स ४.३१, एनआईसी एसिया सेलेक्ट फण्ड ३.८४, सिनर्जी पावर ३.५५, एसियन लाइफ इन्स्योरेन्स ३.४२ र कर्णाली डेभलपमेन्ट बैंकका लगानीकर्ताले ३.३१ प्रतिशतले गमुाएका छन् ।