भारतको बिहारको राजनीतिमा लालूप्रसाद यादव चर्चित नाम हो । विभिन्न घोटालामा मुछिएर लालू जेल परेपछि छोरा तेजस्वी यादवले पार्टी सम्हालेका छन् ।

जेडीयू नेता नितीश कुमारसँग टक्कर परेपछि आरजेडी नेता यादव सत्ता बाहिर रहँदै आएका थिए । गत चुनावमा नितीश भारतीय जनता पार्टी (भाजपा) सँग मिलेर चुनाव लडेका थिए, जसले गर्दा लालूपुत्र तेजस्वी सत्ताबाहिरै रहे ।

मुख्यमन्त्री नितीशले मंगलवार अकस्मात भाजपाको साथ छाडेर तेजस्वीसँग हात मिलाएका छन् । राजनीतिक हलचलमा नितीशले तेजस्वीलाई बिहारको उपमुख्यमन्त्री बनाएका भारतीय सञ्चारमाध्यमले जनाएका छन् ।

बुधवार नितीशले मुख्यमन्त्री पदको शपथ लिएका छन् । शपथ ग्रहण कार्यक्रममा उपमुख्यमन्त्री बनेका तेजस्वीले नितीशको खुट्टा ढोगेका छन् । यसअघि सत्ताबाहिर रहँदा तेजस्वीले नितीशको चर्काे आलोचना गर्ने गरेका थिए ।