त्रिभुवन आर्मी फुटबल क्लबका टिम कप्तान भरत खवास सह–सेनानी पदमा पदोन्नति भएका छन् । नेपाल आर्मीको उपसेनानी पदमा रहेका उनलाई आइतवार एक समारोहका बीच सैनिक वायुसेवाका प्रमुख उपरथी आशिष नर्सिङ राणाले सह–सेनानीको पदको दज्र्यानी चिन्ह प्रदान गरेका हुन् । 

खवास २०७१ सालमा सहायक सेनानी, २०७२ मा उपसेनानी पदमा पदोन्नति भएका थिए । उनले २०६३ सालमा संकटा क्लबबाट ए डिभिजन लिग करियर शुरू गरेका थिए भने फ्रेण्ड्स क्लब, नेपाल पुलिस क्लब हुँदै सन् २०१२ बाट नेपाल आर्मीमा आबद्ध रही फुटबल खेल्दै आएका छन् । 

सह–सेनानीको दज्र्यानी चिन्ह प्राप्त गरेपछि लोकान्तरसँगको कुराकानीमा उनले भने, ‘उपसेनानी पदबाट सह–सेनानीको हुँदा खुशी लागेको छ । यसबाट काम गर्ने प्रोत्साहनका साथै जिम्मेवारी बढेको महसुस गरेको छु ।’