कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
साउन ३१, २०७९
काठमाडौं उपत्यका अपराध अनुसन्धान कार्यलयले चोरी तथा डकैतीको आरोपमा पक्राउ परेका ३ जनालाई आज (मंगलवार) सार्वजनिक गरेको छ ।
प्रहरीले उपत्यकामा शृंखलाबद्ध चोरी गर्ने गिरोहलाई पक्राउ गरेको दाबी गरेको छ । प्रहरीले काठमाडौं उपत्यका, काभ्रे, मकवानपुर लगायतका जिल्लामा शृंखलाबद्ध चोरी गर्ने ‘मनराज ग्याङ’का ३ जनालाई पक्राउ गरेको छ ।
प्रहरीले सिन्धुपाल्चोकको मेलम्ची नरपालिका– ६ तालामाराङका ३८ वर्षीय रामसिंह तामाङ, मकवानपुरको बाग्मती गाउँपालिका– ८ का ३८ वर्षीय दिलबहादुर स्याङ्तान र मकवानपुरको बकैया– ५ का ३५ वर्षीय सुशील भन्ने बाबुलाल थिङलाई पक्राउ गरेर सार्वजनिक गरेको हो ।
उनीहरूले साउन २४ गते राति साढे १२ बजे काठमाडौंको कीर्तिपुर नगरपालिका– ६ स्थित नारायण बस्नेतको घरमा पसेर सुनका गहना र हिरा चोरी गरेका थिए ।
अनुसन्धानमा खटिएका प्रहरीका अनुसार उनीहरूले राति साढे १२ बजेदेखि ३ बजेसम्म त्यो घरमा चोरी गरेका थिए ।
घरमा रहेका व्यक्तिलाई एउटा कोठामा थुनेर ढुंक्कसँग घरमा भएका सबै गहना र पैसा चोरी गरेको प्रहरीले जनाएको छ ।
‘उनीहरूले साढे २ घण्टासम्म ढुक्कले खनतलासी गरी कपडाको खल्तीमा राखेको पैसा र सुन समेत लगेका रहेछन्,’ एक प्रहरी अधिकृतले लोकान्तरसँग भने ।
उनीहरूले असार १२ गते काठमाडौंको शंखरापुर नगरपालिका– ९ स्थित सुशीला थापाको घरमा धारिलो हतियार देखाएर नगद, सुनका गहना र मोबाइल लुटेका थिए भने असार ३ गते लालबहादुर थापाको घरबाट सुन र नगद चोरी गरेका थिए ।
उनीहरूले उपत्यकाबाहिर काभ्रेपलाञ्चोकको बनेपा नगरपालिका– ११ स्थित सलामसिंह लामाको घरबाट पनि सुन, पैसा र मोबाइल लुटेका थिए ।
अनुसन्धानमा खटिएका प्रहरीका अनुसार प्रक्राउ परेकामध्ये एक जनाले आफ्नो पेशा नै चोरी भएकाले त्यसलाई कुनै पनि हालतमा छाड्न नसक्ने बताएका छन् ।
‘एक जनाले त सर मलाई गोली हान्दिनुस्, मलाई चोर्न मन लागिरहन्छ, नचोरी बस्न सक्दिनँ, बाचुञ्जेल चोरी गर्छु भन्यो,’ अनुसन्धानमा खटिएका प्रहरी अधिकृतले लोकान्तरसँग भने ।
आफू जिउँदो रहँदासम्म चोरी गरिरहने उसले बताएको प्रहरीले जनाएको छ ।
अर्का एक जनाले साथीभाइले बोलाएर चोरीमा लगाएको बताएका छन् । सुशील थिङ नाम गरेका ती व्यक्ति एकपटक जेल परेर छुटेपछि हेटौंडामा टेम्पो चलाएर बसेका थिए ।
प्रहरीका अनुसार नख्खु कारागारमा भएको चिनजानका आधारमा साथीहरूले बोलाएपछि काठमाडौं आएर शंखरापुर नगरपालिकामा असार १२ गते भएको चोरीमा संलग्न भएको बयान उनले प्रहरीलाई दिएका छन् ।
उनले आफू चोरी गर्ने कार्यबाट अलग हुन कोशिश गरेपनि साथीहरूका कारणले छाड्न नसकेको प्रहरीसँग बताएका छन् । उनी कर्तव्य ज्यान (हत्या) तथा डाँका मुद्दामा २०६७ सालदेखि २०७३ सालसम्म नख्खु कारागारमा थिए ।
नख्खु कारागारमै बनेको थियो ‘मनराज ग्रुप’
प्रहरीका अनुसार यो समूह १० जनाको छ ।
उनीहरूले यसभन्दा अगाडि हत्या, डाँका, लागूऔषध लगायतका मुद्दामा नख्खु कारागारमा कैदी जीवन बिताएका थिए । उनीहरूको चिनजान त्यहीँ भएको थियो ।
रामसिंह तामाङ मानव बेचबिखन मुद्दामा २०६४ सालदेखि २०७४ सालसम्म नख्खु कारागारमा थिए ।
ग्याङका मुख्य नाइके काभ्रेको तेमाल गाउँपालिका– ६ गिम्दीका ३५ वर्षीय रोम भनिने मनराज तामाङ ज्यान मुद्दा, हातहतियार र डाँका मुद्दामा नख्खुमै थिए ।
उनले नै त्यहाँ रहेका कैदीहरूलाई भेला पारेर ‘मनराज ग्रुप’ नामको ग्याङ बनाएको प्रहरीको अनुसन्धानमा खुलेको छ ।
उनी डाँका मुद्दामा पक्राउ परेर कारागारमा छन् । अन्य ६ जना फरार छन् । उनीहरूलाई प्रहरीले खोजी रहेको छ ।
मनराजकै योजनामा विभिन्न ठाउँमा भएका जेलका साथीहरूलाई उपत्यकामा बोलाएर दशैं खर्च जुटाउनका लागि योजना बनाएको प्रहरीको अनुसन्धानमा देखिएको छ ।
यो ग्याङ चोरी गर्ने भन्दै हेटौंडा पुगेको थियो । तर गाउँका घरहरूमा पैसा नहुने भन्दै फर्किएको बयान प्रहरीलाई दिएको अपराध अनुसन्धान कार्यालयले जनाएको छ ।
चोरीको पैसाले दोहोरी साँझ, २ वटा श्रीमती र प्रेमिका पनि
प्रहरीका अनुसार उनीहरू चोरी गरेको पैसाले उपत्यकाका दोहोरी साँझ र डिस्को जानेको गरेको पाइएको छ ।
मुख्य नाइके मनराजले भक्तपुरको गठ्ठाघरमा प्रेमिकालाई फ्ल्याट भाडामा लिएर राखेका छन् ।
ग्याङका दिलबहादुर स्याङ्तानका दुई श्रीमती रहेको पाइएको छ । उनले श्रीमतीहरूलाई महंगा-महंगा गरगहना उपलब्ध गराएको प्रहरीले जनाएको छ ।
यो ग्याङले एउटा स्कोर्पियो प्रयोग गर्दै आएको खुलेको छ । चोरी गर्नका लागि स्कोर्पियो प्रयोग गर्ने गरेको प्रहरी अनुसन्धानमा देखिएको छ ।
प्रहरीले उनीहरूको साथबाट १ लाख ४२ हजार नगद, मोबाइल ५ थान, खुकुरी २ थान र बा ९५ प ६७६८ नम्बरको २२० सीसी पल्सर मोटरसाइकल समेत बरामद गरेको छ ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...