नेकपा एमालेकी सांसद तुलसी थापाले राष्ट्रपतिले फिर्ता पठाएको नागरिकता विधेयक कमा समेत परिवर्तन नगरी पठाउने भन्ने सत्ता गठबन्धनको निर्णयले राष्ट्रपतिको मानमर्दन भएको बताएकी छन् । 

बिहीवार बसेको प्रतिनिधि सभा बैठकको शून्य समयमा सांसद थापाले सत्तापक्षको निर्णय गलत भएको बताएकी हुन् । ‘नागरिकता विधेयकमा कमा र पूर्णविराम पनि नफेरी पठाउने भन्ने निर्णय चरम अहंकार भएको निर्णयले सत्तारुढ दलबाट राष्ट्रपतिको मानमर्दन भएको प्रत्यक्ष देखिन्छ’ थापाले भनिन्, ‘राष्ट्रपति पदलाई खिल्ली उठाउने काम नहोस् ।’ 

मंगलवारको कार्यसूचीमा राष्ट्रपतिले फिर्ता पठाएको नागरिकता विधेयक पुनः पारित गर्ने कार्यसूची छ ।