६९ लाख रुपैयाँ हुण्डी कारोबारको पैसासहित ३ जना पक्राउ परेका छन् । उपत्यका अपराध अनुसन्धान कार्यालयले बुधवार बेलुका साढे ४ बजे काठमाडौंको घण्टाघरबाट ३ जनालाई पक्राउ गरेर आज (बिहीवार) सार्वजनिक गरेको हो । 

पक्राउ पर्नेमा तारकेश्वर नगरपालिका–१० मनमैजु बस्ने ४५ वर्षीय माधव श्रेष्ठ, बारा महागढीमाई नरपालिका–७ बेनौली का ३३ वर्षीय सुनिलकुमार शाह र धनुषा जनकपुर नगरपालिका–३ का ३३ वर्षीय अंकित योगनका छन् ।

प्रहरीले माधव श्रेष्ठले सञ्चालन गरेको संयोग टुर्स एण्ड ट्राभल्सबाट ६० लाख रुपैयाँ र अंकित गोयन्काले सञ्चालन गरेको आनी इन्टरनेशनल कार्यालयबाट ९ लाख रुपैयाँ बरामद गरेको महाशाखाले जनाएको छ ।