प्रमुख प्रतिपक्षी दल नेकपा एमालेको युवक संगठन राष्ट्रिय युवासंघले इलाममा विशेष भेलाको आयोजना गरेको छ । शुक्रवार युवासंघले आगामी निर्वाचन केन्द्रित भेलाको आयोजना गरेको हो । 

भेलामा एमाले अध्यक्ष केपी ओली, उपाध्यक्ष सुवास नेम्वाङलगायतका नेताहरू सहभागी भएका थिए । भेलामा सहभागी हुन अध्यक्ष ओली बिहीवार नै झापा पुगेका थिए । उनी गृहजिल्ला झापा हुँदै इलाम पुगेका हुन् । एमालेले आगामी मंसिर ४ गते हुने प्रतिनिधि सभा र प्रदेश सभाको निर्वाचनलाई लक्षित गर्दै विभिन्न राजनीतिक कार्यक्रम शुरू गरिसकेको छ । 

भेलामा विभिन्न पार्टी परित्याग गरी एमाले सयौँको संख्यामा युवाहरू प्रवेश गरेको युवासंघका नेता मुकेश बुढाथोकीले लोकान्तरलाई जानकारी दिए ।