नेपाली कांग्रेसका नेता तथा प्रतिनिधि सभा सदस्य प्रदीप गिरीको पार्थिक शरीरमा विभिन्न दलका शीर्ष नेताहरूले पुष्पगुच्छा चढाएर श्रद्धाञ्जली अर्पण गरेका छन् । अन्त्येष्टी गर्नुअघि कांग्रेस पार्टी कार्यालय सानेपामा राखिएको उनको पार्थिव शरीरमा प्रधानमन्त्री एवं कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपाललगायतका नेताहरूले श्रद्धाञ्जली अर्पण गरेका हुन् । 

नेता गिरीको शनिवार राति उपचारका क्रममा ललितपुरको नख्खुस्थित मेडिसिटी अस्पतालमा निधन भएको थियो । उनी एक महिनाअघि घाटीको क्यान्सर र निमोनिया भएपछि उपचारका लागि अस्पताल भर्ना भएका थिए । त्यसअघि उनले भारतका विभिन्न अस्पतालमा घाँटीको क्यान्सरको उपचार गराएका थिए । 

आइतवार पशुपति आर्यघाटमा अन्त्येष्टी गर्नुअघि दिउँसो २ बजेसम्म गिरीको पार्थिव शरीरलाई श्रद्धाञ्जलीका लागि कांग्रेस मुख्यालय सानेपामा राखिएको थियो । ​