युक्रेनको राजधानी किएभमा रहेको अमेरिकी दूतावासले अमेरिकी नागरिकहरूलाई तत्कालै देश छोड्न सल्लाह दिएको छ । 

सुरक्षा परिस्थिति खराब हुन लागेको चेतावनी दिँदै दूतावासले यस्तो आग्रह गरेको हो । 

‘रुसले युक्रेनको नागरिक संरचना तथा सरकारी भवनहरूमा आगामी दिनमा आक्रमण बढाउन लागेको सूचना परराष्ट्र मन्त्रालयसँग छ,’ दूतावासले जनायो । अमेरिकी नागरिकलाई सतर्क रहन, एयर रेड साइरन सुन्न र क्षेप्यास्त्र वा ड्रोन आक्रमण भएमा सुरक्षित ठाउँमा लुक्न पनि मन्त्रालयले निर्देशन दिएको छ । 

रुसको रक्षा मन्त्रालयले किएभ तथा युक्रेनका अन्य ठाउँमा रहेका सैन्य तारोमा मात्र रुसी विमानले आक्रमण गर्ने गरेको बताउने गरेको छ । 

अमेरिकाले गत फेब्रुअरीमै अमेरिकी कूटनीतिकर्मीहरूलाई देशबाट हटाएको थियो । पछि मे महिनामा दूतावास औपचारिक रूपमा पुनः खोलिएको थियो ।