नेकपा एमालेले प्रधानन्यायाधीश चोलेन्द्रशमशेर जवराविरुद्ध महाभियोग सिफारिस समितिमा मिडियालाई प्रवेश दिनुपर्ने बताएको छ । समितिका सदस्य एमाले उपाध्यक्ष विष्णु पौडेलले मिडियाको उपस्थितिले प्रश्न सोध्नेलाई पनि जिम्मेवार बनाउने उनको भनाइ थियो । चोलेन्द्रसँगको बयानमा मिडियालाई प्रवेश दिने नदिने विषयमा समितिमा छलफल चलिरहेको छ । 

समितिमा एमालेको नेतृत्व गरेका पौडेलले संसदीय समिति खुला रहने परम्परा रहेको भन्दै मिडियालाई रोक्न नमिल्ने बतएका हुन् । मिडियालाइ प्रवेश दिने कि नदिने भन्नेमा समिति सदस्यहरू एकमत नहुँदा ११ बजेका लागि बोलाइएका चोलेन्द्र अहिले संसद सचिवालयको एउटा कोठामा बसिरहेका छन् ।

समितिका जेष्ठ सदस्य कांग्रेस सांसद रामबहादुर विष्ट सभापति रहेको समितिमा चोलेन्द्रले आफूमाथि लागेको आरोपबारे जवाफ दिन लागेका हुन् ।