आमिर खान र करीना कपूर खानको फिल्म लाल सिंह चड्ढा जम्मा ६० करोड भारु कमाएर सुपरफ्लप भएको छ । 

फिल्म सार्वजनिक हुनुअघि नै यसको बहिष्कार गर्नुपर्ने माग उठेको थियो । रिलीज भएपछि दर्शकले पनि यसलाई दुत्कारे अनि नकारात्मक टिप्पणी गरे । 

१८० करोड भारुमा बनेको फिल्मले लगानी उठाउन नसकेपछि अब आमिर खानले आफ्नो पारिश्रमिक नलिने भएका छन् । 

फिल्मको सहनिर्माता कम्पनी भायाकम १८ ले फ्लप हुनुमा आमिर जिम्मेवार रहेको आरोप लगाएको थियो । भायाकम १८ ले लगभग १०० करोड भारुको घाटा बेहोर्नुपरेको थियो । 

त्यसपछि आमिरले पारिश्रमिक नलिने भएका हुन् । उनले यसो गर्दा निर्माताले सानो रकम मात्र गुमाउनेछन् । 

फिल्म नचलेको सबै दोष लिँदै आमिरले त्यसको सजाय एक्लै भोग्ने भएका हुन् । 

लाल सिंह चड्ढा नचलेपछि स्तब्ध भएका आमिर सबै कुरा छोडेर परिवारसँग समय बिताउन अमेरिका गएका छन् ।