काठमाडौंमा टहलिनको लागि खुला ठाउँको अभाव छ । उपत्यकाभित्र यस्ता सायदै ठाउँ होलान् जहाँ केही समयका लागि टहलिन मिल्ने होस् । काठमाडौं बस्तीहरूले भरिएको शहर हो । मानिसको भीड र अव्यवस्थित बसोवास । जसका कारण खाली ठाउँ प्रायः शून्य छ । 

खुला ठाउँको अभाव काठमाडौं उपत्यकाभर नै छ । यसको मुद्दा बेलाबेलामा नउठेको पनि होइन । तर, समस्या पनि ज्यूँ का त्यूँ छ । समस्या समाधानको बुटी फेला पर्न सकेको छैन । खालि ठाउँ हुनुपर्छ भन्ने पाठ त हामीलाई २०७२ सालको भूकम्पले पनि सिकाएर गएको छ । तर, गएको कुराको वास्ता गरेको सम्बन्धित पक्षबाट पाइँदैन । 

काठमाडौं उपत्यकामा खुला ठाउँ नभएका होइनन् तर विस्तारै हराउँदै र मेटिँदै गएका छन् । खुला ठाउँ कसले गायब बनायो यो सोधको विषय बन्नसक्छ । टुँडिखेल, रत्नपार्क, तीनकुनेको घाँसे मैदान, सिफल चौर, पुल्चोकको मदन स्मारक, पशुपति मन्दिर परिसर, लगनखेलको सप्तपाल पोखरी, गोदावरीस्थित बोटानिकल गार्डेन, भृकुटीमण्डपस्थित टहरा, चापागाँउको बज्रवाराही क्षेत्र खुला ठाउँ थिए कुनै बेलामा । तर, आज यी कुनैपनि ठाउँ खुला छैनन् । 

अतिक्रमण, व्यवसायिक प्रयोजकनले सबै खुला ठाउँ मासिएका छन् । बालबालिकालाई रमाउन, वृद्धवृद्धाका लागि टहलिन र युवापिढीका लागि थकान मेटाउने यस्ता ठाउँको अभाव दिनप्रतिदिन मेटिँदै छ । खाली भएका स्थानको पनि पुनर्निर्माण हुन नसक्दा अस्तव्यस्त बनेका छन् । यिनै कारुणीक दृश्यहरू फोटोकथामा ।