×

X
Nic Asia
Dabur
Khukuri

गाडी फिर्ता गर्न विलम्ब

प्रदेश १ मा पनि फिर्ता भएन गाडी : निवर्तमान सांसदहरू सरकारी सवारीमा सरर !

विराटनगर | असोज ४, २०७९

NTC
Argakhanchi Cement
फाइल तस्वीरमा प्रदेश १ को प्रदेश सभा बैठक
Premier Steels
TVS INSIDE

प्रतिनिधिसभा तथा प्रदेशसभा सदस्यको ५ वर्षे कार्यकाल सकिएको छ । कार्यकाल सकिए पनि सांसदको हैसियतमा प्राप्त गरेका सवारीसाधन तथा अन्य सामग्रीहरू प्रदेशसभा सदस्यले फिर्ता गरेका छैनन् । 

LAxmi BAnk
nabil BANK inside

१ नम्बर प्रदेश सभामा संसदीय दलका नेता, समितिका सभापति, प्रमुख सचेतक तथा प्रमुख प्रतिपक्षी दलका नेता/उपनेतालाई संसद् सचिवालयले गाडी उपलब्ध गराएको थियो । सभाको कार्यकाल सकिएपछि केही सांसदले नैतिकता देखाउँदै गाडी बुझाएका छन् । 


Advertisment
RMC TANSEN
cg elex island
NIC ISLAND BOX

संसद् सचिवालयका प्रवक्ता चन्द्रमणि पोख्रेलका अनुसार नेपाली कांग्रेस प्रदेश १ संसदीय दलका नेता राजीव कोइरालाले प्रयोग गर्दै आएको सरकारी गाडी प्रदेशसभा सचिवालयलाई भदौ २७ गते नै बुझाएका थिए । नेता कोइरालाले को१झ ६५४ नम्बरको गाडी प्रयोग गर्दै आएका थिए । 

उनको नाम प्रतिनिधिसभा चुनावका लागि सुनसरीबाट सिफारिस भएको छ । प्रतिनिधि सभाका लागि उम्मेदवारमा नाम सिफारिस भएपछि गाडी प्रदेशसभा सचिवालयलाई बुझाएको उनले बताए । निर्वाचन आइरहँदा त्यसको तयारीमा लाग्नुपर्ने भएकाले दुरुपयोगको आरोप नलागोस् भनेर आफूले प्रयोग गर्दै आएको गाडी बुझाएको उनले बताए । 


Advertisment
Saurya island

अर्थ समितिका सभापति मोहन खड्काले आइतवार संसद् सचिवालयमा सवारीसाधन फिर्ता गरेका छन् । ‘निर्वाचन आयोगले तिमीहरूको पदावधि सकिएको भनेपछि हामीले जबरजस्ती त गर्नुभएन नि !’ खड्काले भने, ‘कानून बनाउनेले नै कानूनको पालना गर्नुपर्‍यो नि !’ उनले को१झ ६६० नम्बरको गाडी प्रयोग गर्दै आएका थिए ।

सुशासन तथा योजना समितिका सभापति अर्जुन राईले पनि गाडी फिर्ता गरेका छन् । उनले ६५० नम्बरको गाडी फिर्ता गरेका हुन् । 

Vianet communication
IME BANK INNEWS

न्याय प्रशासन तथा विधायन समितिका सभापति इन्द्रमणि पराजुलीले स्वकीय सचिवमार्फत संसद् सचिवालयलाई गाडी पठाएका छन् । उनले को१झ ६५९ नम्बरको गाडी प्रयोग गरेका थिए । उनले प्रयोग गर्ने गरेको ल्यापटप भने फिर्ता गरेका छैनन् । अन्य सभापतिले ल्यापटपको सुविधा नलिए पनि उनले भने लिएका थिए । समितिले नै ल्यापटप खरिद गरेर सभापति पराजुलीलाई उपलब्ध गराएको थियो । 

गाडी फिर्ता आए पनि ल्यापटप फिर्ता नआएको प्रवक्ता पोख्रेलले बताए । ‘क्लीन चिटको पत्र लिन आउँदा उहाँले ल्यापटप ल्याउनुहुन्छ होला,’ प्रवक्ता पोख्रेलले भने, ‘फिर्ता नगरे उहाँलाई नै अप्ठ्यारो पर्न सक्छ ।’

सार्वजनिक लेखा समितिका सभापति शिव नारायण गनगाइले पनि प्रयोग गर्ने गरेको को१झ ६५३ नम्बरको गाडी आफैंले प्रयोग गर्दै आइरहेका छन् । 

सामाजिक विकास समितिका सभापति सरिता थापाले प्रयोग गर्ने को१झ ६५२ नम्बरको गाडी पनि फिर्ता गरेकी छैनन् । उद्योग, पर्यटन तथा वातावरण समितिका सभापति सिता थेबे जबेगुले पनि फिर्ता गरेकी छैनन् । उनले को१झ ६५७ नम्बरको गाडी प्रयोग गर्ने गरेकी थिइन् ।

प्रदेश सभामा प्रायःजसो चर्चामा आउने प्राकृतिक स्रोत तथा पूर्वाधार विकास समितिका सभापति सर्वध्वज साँवा लिम्बुले गाडी फिर्ता गरेका छैनन् । संसद्को नयाँ भवनमा बैठकको पहिलो दिन बैठक शुरू हुनुभन्दा अगाडि उनले सभामुखको कुर्सीप्रति लक्षित गर्दै उफ्रेर मुड्कीले हिर्काउन खोजेका थिए । संघीय संसदमा एमालेले संसद् अवरुद्ध गरिरहेका बेला प्रदेशमा उनले त्यस्तो हर्कत देखाएपछि मर्यादापालक थपिएका थिए । साँवाले को१झ ६५८ नम्बरको गाडी प्रयोग गरेका छन् । 

एमाले संसदीय दलका नेता समेत रहेका निवर्तमान मुख्यमन्त्री भीमप्रसाद आचार्यले पनि गाडी फिर्ता गरेका छैनन् । उनलाई बा२झ ३७३७ नम्बरको गाडी संसद् सचिवालयले उपलब्ध गराएको थियो । १ नम्बर प्रदेशको प्रमुख प्रतिपक्षी दल नेकपा एमाले संसदीय दलका उपनेतालाई समेत गाडी उपलब्ध गराउने गरिएको थियो । उपनेता यशोदा अधिकारीलाई सचिवालयले को१झ ६२८ नम्बरको गाडी दिएको थियो ।

नेकपा एमालेका प्रमुख सचेतक बुद्धिकुमार राजभण्डारीले पनि आफूले प्रयोग गर्दै आएको सरकारी गाडी फिर्ता गरेका छैनन् । संसद् सचिवालयका एक कर्मचारीका अनुसार एमाले संसदीय दलका नेता आचार्य र सामाजिक विकास समितिका सभापति सरिता थापाले फोनमार्फत विराटनगरभन्दा बाहिर रहेको जानकारी गराएका छन् । 

सत्ता गठबन्धनको सबैभन्दा ठूलो दल नेपाली कांग्रेसका प्रमुख सचेतक सूर्यराज राईले पनि पदावधि सकिए पनि गाडी चढिरहेका छन् । 

सांसदहरू पदावधि सकिए पनि सरकारी गाडी लिएर विभिन्न कार्यक्रमहरूमा गइरहेका छन् । निवर्तमान सांसद भइसक्दा समेत उनीहरूले सरकारी साधनको दुरुपयोग गरिरहेका छन् ।
 
आयोगले म्याद सकिएको भनेर जनाए पनि संसद् सचिवालयले गाडी तथा अन्य सामग्री फिर्ता गर्न पत्राचार समेत गर्न सकेको छैन । ‘संसद्को म्याद सकिएको पत्र आयोगले पठाएको छ,’ संसद् सचिवालयका प्रशासनका एक कर्मचारीले भने, ‘तर अन्य केही उल्लेख नगरेकाले हामी पनि अन्योल भयौं ।’ 

ती कर्मचारीले भने, ‘कानून बनाउने माननीयज्यूहरूले आफ्नो नैतिकता देखाउनुहुन्छ भन्ने पनि लागेको छ ।’

Maruti inside
Mega
NLIC
TATA Below
ncc inside
मंसिर २३, २०७९

चोलेन्द्र शमशेर जबरामाथिको महाभियोग निष्प्रभावी भइसकेको भन्दै संघीय संसद् सचिवालयका महासचिव डा. भरत गौतमले दिएको पत्र तत्काल कार्यान्वयन नगर्न सर्वोच्च अदालतले अन्तरिम आदेश दिएको छ । कायममुकायम प्रधानन्यायाधीश ...

मंसिर २२, २०७९

सीमित सिटमा तालमेलबाहेक सत्ता गठबन्धनविरुद्ध एक्लै चुनावी मैदानमा होमिएको नेकपा एमाले तीन वटा प्रदेशसभामा सबैभन्दा ठूलो दल भएको छ । प्रदेश नम्बर १, मधेस प्रदेश र लुम्बिनी प्रदेशसभामा एमाले सबैभन्दा ठूलो पार्टी ...

मंसिर २२, २०७९

स्थायी पूर्वाधारविना लुम्बिनी प्रदेशको अस्थायी मुकाम बुटवलबाट दाङको भालुवाङ (राप्ती उपत्यका) मा राजधानी सार्ने प्रक्रिया शुरू भएको छ । कर्मचारी, राजनीतिक दल र प्रदेश सांसदले अस्थायीबाट अस्थायी संरचनामै राजधान...

मंसिर २३, २०७९

निलम्बित प्रधानन्यायाधीश चोलेन्द्रशमशेर जबराविरुद्धको महाभियोग निस्क्रिय भएको भन्दै संसद सचिवालयका महासचिवले दिएको पत्रका सन्दर्भमा परेको रिटमा शुक्रबार सुनुवाइ हुँदैछ ।  सर्वोच्च अदालत बार एसोसिएसनका पदा...

मंसिर २३, २०७९

‘लोकान्तर राउण्ड अप’ मा पाठकवृन्दलाई स्वागत छ। सधैँझैं आज पनि हामी  बितेका २४ घण्टाका मुख्यमुख्य घटनाक्रमसहित उपस्थित भएका छौँ– निर्वाचन आयोगले निर्वाचनको परिणाम सार्वजनिक गरेसँगै केन्द्र...

मंसिर २२, २०७९

प्रतिनिधिसभामा ६ सिट रहेको सीके राउत नेतृत्वको जनमत पार्टी सरकारमा सहभागी हुन सकारात्मक बनेको छ । बिहीबार बसेको जनमत पार्टीको केन्द्रीय समिति बैठकमा सदस्यहरुले सरकारमा जानुपर्ने धारणा राखेका थिए ।  सर...

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

मंसिर २३, २०७९

चन्द्रमामा पहिलोचोटि पाइला राखेबापत निल आर्मस्ट्रङ्गलाई अमेरिका मात्र होइन, सम्पूर्ण संसारले सम्मान र इज्जत गर्‍यो । बज एल्ड्रिन र माइकल कोलिन्स पनि सँगै थिए । उनीहरू पनि पहिलो हुन सक्थे तर भएनन् । जब यानबाट...

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

मंसिर २२, २०७९

चीनका राष्ट्रपति सी चिनपिङ बुधवार अपराह्न साउदी अरबको राजधानी रियाद पुगेका छन् ।  सामान्यतया साउदीले आफ्नो सबभन्दा निकटतम साझेदार अमेरिकालाई भव्य स्वागत गर्ने गर्थ्यो भने यसपालि चिनियाँ राष्ट्रपतिलाई त्यस्...

हिन्दूराष्ट्र र आन्दोलित मानसिकता

हिन्दूराष्ट्र र आन्दोलित मानसिकता

मंसिर २२, २०७९

यतिबेला वनकाली सुमार्गी भवनमा वैदिक सनातन धर्मरक्षा राष्ट्रशान्ति विराट महायज्ञ सञ्चालन भइरहेको छ । यही मंसिर १५ गतेबाट शुरू भएको महायज्ञ २३ गते शुक्रवार समापन हुनेछ । वैदिक सनातन धार्मिक महासंघको आयोजनामा भए...

ad
x