भविष्यको योजना र रणनीति बनाउन भन्दै लाकुरीभञ्जाङ गए ओली [भिडियोसहित]

नेकपा एमालेका अध्यक्ष एवं पूर्वप्रधाननमन्त्री केपी शर्मा ओली ‘रिफ्रेसमेन्ट’को लागि लाकुरीभञ्ज्याङ पुगेका छन् । ललितपुरको लुभुभन्दा माथिको डाँडामा रहेको रिर्सोटमा बस्न ओली पत्नीसहित मंगलवार त्यहा पुगेका हुन् । 

सचिवालयले जारी गरेको भिडियोमा ओलीले फुर्सद निकालेर प्रकृति हेर्न स्वच्छ ठाउँमा आएको बताएका छन् । ‘आज अचानक सोचेको हुँ, सिरिसय काम नभएको बेला केही सोच्ने, चिन्तत मनन गर्ने कुरा गरौँ । प्रदूषणरहित डाँडामा बसेर केही भविष्यका योजना बनाउँ, केही रणनीति तय गरौँ भनेर आएको’, ओलीले भने । 

अनौपचारिक पोसाक टिसर्ट, ज्याकेट र निलो क्यापमा देखिएका ओलीले लाकुरी भञ्जाङ पुगेर शुरुमा स्नुकर खेलेका थिए । मंसिर ४ गते हुने प्रतिनिधि सभा निर्वाचनका लागि समानुपातिक तर्फको बन्दसूची बुझाएपछि दलहरू केही फुर्सदिला देखिएका छन् ।