मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
असोज ४, २०७९
लोकतान्त्रिक समाजवादी पार्टी नेपाल (लाेसपा)का अध्यक्ष महन्थ ठाकुरले आफ्नो छोरीलाई समानुपातिकको बन्द सूचीमा अग्रस्थानमा नाम राखेका छन् ।
लोसपा उच्च स्रोतकाअनुसार मधेशी महिलाको पहिलो स्थानमा ठाकुरले आफ्नो छोरी डा.मिनाक्षी ठाकुरको नाम प्रतिनिधि सभामा समानुपातिकको बन्दसूचीमा समावेश गरेर पठाएका छन् ।
यसअघि ठाकुरले छोरी मिनाक्षीकी सासु इन्दिरा झा (ठाकुरकी सम्धिनी)लाई समानुपातिक सांसद बनाएका थिए ।
त्यसैगरी, छोरीकी ससुरा (ठाकुरका सम्धी) उमाकान्त झालाई लुम्बिनी प्रदेशको प्रदेश प्रमुख बनाएका थिए ।
सम्धी, सम्धिनीपछि उनले अहिले भने छोरीको नाम समानुपातिक सूचीमा समावेश गरेका हुन् । मिनाक्षी उनको एक मात्र छोरी हुन् । यसअघि उनले सम्धी र सम्धिनीलाई महत्वपूर्ण जिम्मेवारीमा लगेपछि मधेशमा ठाकुरकाे तीब्र आलाेचना हुँदै आएकाे थियाे ।
त्यसैगरी, लोसपाका वरिष्ठ नेता राजेन्द्र महतोले खस आर्यको कोटामा चितवनका अर्जुनप्रसाद उप्रेतीको नाम पहिलो नम्बरमा समावेश गराएका छन् ।
समानुपातिकतर्फको बन्दसूचीमा महतोको कोटाबाट उप्रेतीको नाम पहिलो नम्बरमा लेखिएको स्रोतले बताएको छ । यसअघि उनले नरमाया ढकाललाई सांसद बनाएका थिए । त्यसबेला महताेकाे पनि तीब्र आलाेचना भएकाे थियाे ।
‘अध्यक्षले आफ्नी छोरीलाई समानुपातिकमा राख्ने प्रस्ताव गरेपछि पार्टीमा कसैले विरोध गरेन् । अध्यक्षले नै आफ्नो परिवारलाई समेटेपछि बरिष्ठ नेताले पनि आफ्नो कोटाको मान्छे सिफारिस गर्नुभयो । उहाँको सिफारिसमा पनि कसैले विमति राखेन’, लोसपाका एक नेताले लोकान्तरसँग भने ।
मधेशलाई मुख्य आधार बनाएर राजनीति गर्दै आएका दलहरुले आफ्ना परिवार, नातेदार र आर्थिक प्रलोभनका आधारमा लाभका पद वितरण गर्ने गरेको आरोप लाग्दै आएको छ ।
महतोले मधेशी पृष्ठभूमीका व्यक्तिलाई समानुपातिक सूचिमा समावेश नगरी आर्थिक प्रलोभनमा परेर उप्रेतीलाई समानुपातिक सिट दिन लागि परेको भन्दै पार्टी भित्र असन्तुष्टि बढेको छ । ‘चुनाव खर्चको लागि त्यसो गर्नुभएको हो कि हामीलाई स्पष्ट जानकारी भएन । मधेशी पृष्ठभूमीका व्यक्तिलाई नदिएर चितवनका उप्रेतीलाई समानुपातिक लैजाने त्यस्तो के बाध्यता आइपर्यो हामीले बुझेका छैनौ’, लोसपाका एक नेताले भने ।
मधेशी समुदायको मुक्ति र अधिकार स्थापना गर्ने भनेर विभिन्न समयमा आन्दोलनसमेत भएको थियो । ती आन्दोलनमा मधेशी समुदायका व्यक्तिले ज्यानको बाजी लगाएर साथ दिएका थिए । त्यसैको बलमा नेताहरू राष्ट्रिय राजनीतिमा स्थापित भएका छन् । तर, आन्दोलनमा ज्यान गुमाउने शहीद परिवार, घाइते तथा आन्दोलनमा लागेका व्यक्तिहरू भने शीर्ष नेताको प्राथमिकता नपर्ने भएपछि जनताको साथ छुट्दै गएको ती नेताले बताए ।
‘आन्दोलनमा सहभागी हुने, सफल बनाउने योद्धाहरुको पार्टीमा मूल्यांकन नै छैन । नेताहरुले मनलाग्दी पदको वितरण गर्दै आएको कारण मधेश आन्दोलन त समाप्त भयो नै । मधेश केन्द्रीत दलको जनाधार नै समाप्त हुने अवस्थामा छ’, ती नेताले गुनासो गरे ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...