प्रहरीले नक्कली नोट जस्तो देखिने ७३ हजार रकमसहित १ जना पक्राउ गरेको छ ।

काठमाडौंको चन्द्रागिरी नगरपालिका–२ नागढुंगास्थित चेकप्वाइन्टमा ड्यूटीमा खटिएका प्रहरी टोलीद्वारा सवारीसाधन तथा सवार यात्रुलाई चेकजाँच गर्ने क्रममा सुनसरीको देवानगञ्ज गाउँपालिका–६ बस्ने २६ वर्षीय भोगान्द मेहेतालाई पक्राउ गरिएको हो ।

काकडभिट्टाबाट काठमाडौंतर्फ आउँदै गरेको प्रदेश १–०२–००२ ख ९७५६ नम्बरको यात्रुबाहक बसमा सवार भोगान्द मेहेताले आफूले लगाई आएको ज्याकेटको खल्तीमा लुकाइछिपाई ल्याएको नक्कली नोट जस्तो देखिने नेपाली रुपैयाँ बरामद गरिएको छ ।

पक्राउ परेका भोगान्द मेहेताउपर मुलुकी अपराध (संहिता) ऐन २०७४ को परिच्छेद २२ को मुद्रा सम्बन्धी कसूरमा काठमाडौं जिल्ला अदालतबाट ७ दिनको म्याद थप अनुमति प्राप्त भई प्रहरी वृत्त थानकोटबाट थप अनुसन्धान भइरहेको प्रहरीले जनाएको छ ।