बागमती प्रदेश सरकारले धादिङको रुबी भ्याली गाउँपालिकामा एकिकृत विकास कार्यक्रम सञ्चालन गर्ने भएको छ । बिहीवार बसेको प्रदेश मन्त्रिपरिषदको बैठकले प्रदेशभित्र रहेका १ सय १९ वटा गाउँपालिकामध्ये मानव विकास सूचाकांक र विकासको दुष्टिकोणले सबैभन्दा पछाडी परेको रुवी भ्यालीमा एकिकृत विकास कार्यक्रम सञ्चालन गर्ने निर्णय गरेको आन्तरिक मामिला तथा कानूनमन्त्री कृष्णप्रसाद खनालले बताए । 

यस्तै त्यसको लागी बजेट विनियोजन गर्दै प्रदेश गौरवको आयोजना रूपमा अघि बढाउने सरकारको तयारी रहेको समेत रहेको बताए ।  

यस्तै बैठकले प्रदेशका १ सय १९ गाउँपालिकामध्ये प्रत्येक गाउँपलिकाको एउटा वडामा  वडा समाजवादी विकास कार्यक्रम लैजाने निर्णय गरेको छ ।  त्यस्तै प्रदेशमा विज्ञान तथा प्रविधि विश्व विद्यालय बनाउने निर्णय गरेको छ । 

उक्त विश्व विद्यालययको लागि भौतिक संरचना निमार्णको लागी सामजिक विकास मन्त्रालयको सचिवको संयोजकत्वमा भौतिक मन्त्रालयका सचिव, अर्थ मन्त्रालयका सचिव र मुख्यमन्त्री कार्यालयका सचिव रहने गरी कार्यदल गठन गरेको छ ।

यस्तै बैठकले केन्द्रीय सरकारको हकमा १ करोडसम्मको रकमको काम उपभोक्ता समितिमार्फत गरिने र प्रदेश सरकारको हकमा ५० लाखसम्मको रकमलाई उपभोक्ता समितिमार्फत गर्ने पहिलेको मापदण्डलाई कार्यान्वयन गर्ने निर्णय गरेको छ ।