×

NMB BANK
Dabur

खेलकुद

अन्तर्राष्ट्रिय प्रतिस्पर्धामा स्वर्ण चुमेकी दीपा : पोर्चुगल जान नपाएपछि ‘स्ट्रेन्थलिफ्टिङ’तिर

असोज ८, २०७९

NTC
Premier Steels
Marvel

मोरङको सुन्दरहरैचा–११ की दीपा विष्टको सपना विदेशमा गएर पैसा कमाउने थियो । कोरोनाका कारण विदेश जान नपाएकी दीपाले देशलाई चिनाउने अवसर प्राप्त गरिन् । ‘स्ट्रेन्थलिफ्टिङ’ खेलबाट उनले नेपाल र आफूलाई चिनाउने अवसर पाएकी हुन् ।

Sagarmatha Cement
Muktinath Bank

उनले निकै ठूलो कसरत गर्नुपर्‍यो । अहिले पनि महिलाहरूले चुलोचौको गर्नुपर्छ भन्ने प्रवृत्ति छँदैछ तर दीपाले यसलाई चिर्दै नेपाललाई चिनाइन् । कीर्गिस्तानमा भदौ २० गतेबाट आयोजना भएको ९औं विश्व ‘स्ट्रेन्थलिफ्टिङ’ एन्ड आईबीपी च्याम्पियनसिपमा विष्टले एक स्वर्ण र एक रजत पदक हासिल गरेकी थिइन् ।


Advertisment
RMC TANSEN
IME BANK INNEWS
shivam ISLAND

उनी पहिलो बन्दै विभिन्न विधामा स्वर्ण पदक हासिल गर्न सफल भइन् । त्यसपछि स्ट्रेन्थलिफ्टिङ एन्ड आईबीपीले १३ वटा राष्ट्रको सहभागितामा कीर्गिस्तानमा आयोजित विश्व स्ट्रेन्थलिफ्टिङ एन्ड आईबीपी च्याम्पियनशिपमा सहभागी गराएको थियो ।


Advertisment
SBL

७२ किलो तौल समूहमा विष्टले ७० किलो तौल उचालेर ‘इन्क्लाइन बेन्च प्रेस’तर्फ नयाँ विश्व कीर्तिमान बनाउन सफल भइन् । नवौं विश्व च्याम्पियनशिपमा विष्टले स्ट्रेन्थलिफ्टिङतर्फ रजत पदक हात पारेकी थिइन् । उनले आफूले वर्ल्ड रेकर्ड राखेको दाबी गर्छिन् । 

Vianet communication
Laxmi Bank

उपाधि जित्नका लागि उनले ठूलै संघर्ष गर्नुपरेको उनको भनाइ छ । यो खेललाई अहिले पनि गाउँघरतिर ‘बलवान’ले खेल्ने खेल भन्ने गर्छन् । पहिला–पहिला बलवानहरू छुट्ट्याउन गाउँघरमा छेलो खेल्ने गरिन्थ्यो । पहाडमा धानको बिटा लगाउँदा खेतालहरूले ढुंगाको छेलो बनाएर बलवान छुट्टउने गर्थे, जसले धेरै पर फाल्यो, त्यसलाई बलवान भन्ने गर्थे । उनलाई पनि बलवान हुने भन्दै केही बुढापाकाले जिस्काउँथे । 

स्ट्रेन्थलिफ्टिङमा पनि जसले धेरै उचाल्यो उसलाई उपाधि दिने गरिन्छ । शुरूशुरूमा उनलाई पनि बलवान नबन भनेर परिवार तथा आफन्तहरूको दबाब आउने गर्थ्यो । नेपालमा स्ट्रेन्थलिफ्टिङबारे धेरैलाई जानकारी नै छैन । यो खेल नेपालमा कमैले मात्र खेल्छन् । यो खेललाई नेपालमा मान्यता पनि दिइएको छैन । उनले यो खेल शुरू गर्दा धेरै जना छक्क परेका थिए । महिलाले किन यस्तो जोखिम मोलेर खेलेको जस्ता प्रश्नहरू पटक–पटक उठ्ने गरेका थिए ।

समाजले के भन्छ भन्नेमा उनले खासै चासो दिइनन् । उनी विभिन्न चुनौतीहरूसँग सामना गर्दै खेलमा निरन्तर लागिरहिन् । निरन्तरताकै कारण उनले अन्तर्राष्ट्रिय स्तरमा नेपालको झण्डा फहराएकी छन्, उनले देशकै नाममा पदक भित्र्याएकी छन् ।

खेललाई ‘दाजुभाइ’ खेलका रूपमा बुझ्ने गरेका कारण पनि उनका लागि चुनौती थियो । ती चुनौतीलाई तोड्दै दीपाले नेपाललाई इन्क्लाइन बेन्च प्रेस (आईबीपी) तर्फ स्वर्ण र स्ट्रेन्थलिफ्टिङमा रजत पदक दिलाएर नेपालको नाम राखेकी छन् । शारीरिक व्यायाम र बल पर्ने खालको खेलमा अभ्यास र प्रतिस्पर्धा गर्दा धेरै पटक उनको शरीरका विभिन्न अंगहरूमा चोटपटक लागेको छ । रडहरू खसेर धेरै पटक चोटपटक लागेको उनले बताइन् ।

छोरीको शरीरमा चोटपटक देखेपछि परिवारले त्यस्तो खेल नखेल्न दबाब दिएका थिए । उनी २६ वर्षकी भइन् । सामान्य परिवारमा हुर्केकी विष्टले सलकपुरको शिक्षा निकेतनबाट माध्यमिक तहको अध्ययन गरिन् भने उच्च शिक्षाका लागि सुन्दरहरैचाकै सुकुना क्याम्पसमा अध्ययन गरिन् । उनको सपना खेलकुदको क्षेत्रमा लाग्ने थिएन । 

ज्यानलाई फिट गर्ने उद्देश्य लिएर क्याम्पस अध्ययन गर्दै गर्दा उनको मन व्यायामशालातिर गयो । मोटोपन घटाउने भनेर व्यायामशाला गएको उनले बताइन् । उनको सपना विदेशमा गएर पैसा कमाउने भन्ने थियो । 

उनका बुवाआमाको सपना भने छोरीलाई पढाएर जागिर खुवाउने थियो । बुवा लालबहादुर विष्ट र आमा दुर्गादेवी विष्टले छोरीलाई जागिर खुवाउने र आफ्नै खुट्टामा उभ्याउने सपना बुनेका थिए । पढाइ सकेपछि विदेशमा गएर पैसा कमाउने योजना उनले बुनेकी थिइन् । उनी विराटचोकको एक रेडियोमा कार्यक्रम चलाउने समेत गर्थिन् ।

२०७४ सालमा उनी पोर्चुगल जान घरबाट काठमाडौं गएकी थिइन् । काठमाडौंमा गएर उनले कागजात पनि बनाइन् तर त्यतिबेला पोर्चुगल जाने उनको सपनामा पूर्णविराम लाग्यो । कोरोना महामारीका कारण उनी पोर्चुगल जान सकिनन् ।

‘भाग्य नै खोटो रहेछ भनेर म काठमाडौंबाट फर्किएँ,’ उनले भनिन्, ‘कोभिडका कारण मलाई मेरै देशको माटोमा पसिना बगाउने अवसर पनि मिल्यो ।’  

उनले त्यसपछि शारीरिक सुगठनका लागि कालीमाटीस्थित एक व्यायामशालामा प्रशिक्षकका रूपमा काम गर्न थालिन् । अहिले पनि व्यायामशालामा प्रशिक्षकमा कार्यरत छिन् ।

व्यायामशालामा काम गर्दैगर्दा ‘स्ट्रेन्थलिफ्टिङ’मा उनको ध्यान मोडिएको थियो । उनी कालीमाटीमा रहेको एक फिटनेस सेन्टरमा भर्ना भएर ‘स्ट्रेन्थलिफ्टिङ’को प्रशिक्षण लिन थालिन् । त्यहाँ सबै जना प्रतियोगितामा भाग लिने गरी तयारी गरेका कारण आफूलाई पनि उत्साह मिलेको उनको भनाइ छ । 

गत वैशाखमा भएको धर्मश्री प्रतियोगितामा उनी विजेता बन्न सकिनन् । त्यसपछि झापामा सम्पन्न ‘स्ट्रेन्थलिफ्टिङ’ प्रतियोगितामा उनले सहभागिता  जनाएकी थिइन् । त्यो प्रतियोगितामा उनका लागि चुनौती पनि थियो । छोरीले खेल्ने खेल हेर्न बुवा गएपछि विजेता बन्नुपर्ने दबाबमा उनी थिइन् । ‘बुवा आएपछि हौसला पनि मिल्यो,’ उनले भनिन्, ‘बुवा आउनुभएकै कारण जीत निकाल्न सफल भएँ ।’ उनले २ महिनाअघि काठमाडौंमा सम्पन्न राष्ट्रिय ‘स्ट्रेन्थलिफ्टिङ’ एन्ड आईबीपी प्रतियोगितामा सहभागिता जनाइन् । त्यहाँबाट छनोट भएर उनी कीर्गिस्तानमा भएको प्रतियोगितामा भाग लिन गएकी हुन् । टीम म्यानेजर समीर श्रेष्ठका कारण पनि जीत निकाल्न सहज भएको उनी बताउँछिन् ।

hAMROPATRO BELOW NEWS
NLIC
TATA Below
मंसिर ३, २०८०

अष्ट्रेलियाले छैटौँ पटक आईसीसी एक दिवसीय विश्वकप क्रिकेटको उपाधि जितेको छ । आइतबार घरेलु टोली भारतलाई ६ विकेटले पराजित गर्दै अष्ट्रेलियाले उपाधिमाथि कब्जा जमाएको हो । हमादाबादस्थित नरेन्द्र मोदी स्टे...

कात्तिक २०, २०८०

इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ ।  यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...

मंसिर ३, २०८०

फाइनलअघि १० खेलमा १० जीत, व्यक्तिगततर्फ सर्वाधिक रन (विराट कोहली- ७६५), अनि सर्वाधिक विकेट (मोहम्मद शमी- २४) को बलमा तेस्रोपटक विश्वकप विजेता बन्ने भारतको सपना सपनामै सीमित रहन पुगेको छ । अहमदावादस्थित नर...

पुस १, २०८०

राष्ट्रिय खेलकुद परिषद्का पूर्व सदस्य सचिव युवराज लामाले खेलकुद मेडल जित्नको लागि मात्रै नभएर राष्ट्र र राष्ट्रियताको लागि पनि हुनुपर्ने बताएका छन् । जापान गोजुरियो कराँते डो. मिसन संघ नेपाल केन्द्रीय समितिले ...

कात्तिक १७, २०८०

यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो ।  सामाजिक सञ्जालदेखि अन्तर्राष्ट्रिय स्तरसम्म चर्चा...

कात्तिक १७, २०८०

कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...

गल्ती दर्शनको सन्देश

गल्ती दर्शनको सन्देश

फागुन १२, २०८०

हामी प्रायः गल्ती गर्नु हुँदैन भन्छौँ, गल्ती हुन्छ कि भनेर डराउँछौँ । आफ्ना नानीहरूलाई पनि यस्तै शिक्षा दिन्छौँ । गल्ती गर्नु राम्रो होइन भन्छौँ, गल्ती गरे दण्ड पाइन्छ भन्ने गर्छौँ, तर गल्ती भन्ने कुरा नै त्यस्तै । नगरौँ...

प्रशासनिक सुधारको पाटो– ४ : नैतिकता, सदाचार र अनुशासन

प्रशासनिक सुधारको पाटो– ४ : नैतिकता, सदाचार र अनुशासन

फागुन ८, २०८०

भनिन्छ, राज्यलाई सधैँ इमान्दार मानिसहरूको खाँचो हुन्छ । सबैभन्दा इमान्दार मानिस राज्यलाई नै खाँचो हुन्छ, किनकि नागरिक हकहितका लागि गरिने काम, प्रयोग गरिने साधन र अभ्यास गरिने अधिकारमा इमान्दारिता देखिनुपर्दछ, ...

प्रथम प्रधान न्यायाधीशमा हरिप्रसाद प्रधानको नियुक्ति: अपरिहार्यता कि अरू केही ?

प्रथम प्रधान न्यायाधीशमा हरिप्रसाद प्रधानको नियुक्ति: अपरिहार्यता कि अरू केही ?

फागुन ४, २०८०

“तर प्रधान न्यायालयका प्रधान न्यायाधीश वा न्यायाधीशहरूको पदमा नियुक्त गर्न लायक नेपालका नागरिक नपाइएको अवस्थामा गैरनागरिक पनि नियुक्त हुनेछन् ।१” यो नेपालको अन्तरिम शासन विधान, २००७ को त्यही व्यव...

x