नेदरल्यान्ड्स यूईएफए नेसन्स लिग फुटबलको फाइनल्समा प्रवेश गरेको छ ।

समूह चरण अन्तर्गत आइतवार राति बेल्जियमलाई १-० गोल अन्तरले हराउँदै नेदरल्यान्ड्स फाइनल्समा पुगेको हो ।

नेदरल्यान्ड्सलाई जीत दिलाउन भिर्गिल भान डाइकले निर्णायक गोल गरे ।

खेलको ७३ औं मिनेटमा डाइकले निर्णायक गोल गरेका हुन् ।

यस जीतसँगै नेदरल्यान्ड्सले १५ खेलसम्म आफ्नो अपराजित यात्रा कायम राख्न सफल भएको छ ।

लिग ए समूह ४ को नेदरल्यान्ड्सले ६ खेलमा १६ अंक जोडेको छ ।

नेदरल्यान्ड्स समूहको शीर्ष स्थानमा रह्यो ।

बेल्जियम १० अंक जोडेर दोस्रो स्थानमा रह्यो ।