शिक्षकको हत्या गरेर फरार २२ वर्षीया छलमाया धमलालाई प्रहरीले पक्राउ गरेको छ । 

जिल्ला प्रहरी कार्यालय ओखलढुंगाका प्रमुख प्रहरी नायव उपरीक्षक (डीएसपी) सुकदेव खनालका अनुसार उनलाई प्रहरीले सप्तरीको विष्णुपुर गाउँपालिका–५ बाट शनिवार पक्राउ गरेको हो । 

शुक्रवार कालिका आधारभूत विद्यालयका शिक्षक ३३ वर्षीय दिपकुमार ठाकुरको कोठामा हत्या गरेर फरार भएकी छलमायालाई पक्राउ गरी प्रहरीले थप अनुसन्धानका लागि १२ दिनको म्याद थप गरेको छ । 

कोठामा बस्दै आएका ठाकुरलाई प्रहरीले सुत्ने कोठामा मृत फेला पारेको थियो । डीएसपी खनालका अनुसार ठाकुरलाई कुटपिट गरेर नाक, मुखबाट रगत आएको र घाँटीमा गम्छाले बाँधेर मुख थुनेको अवस्थामा फेला परेकाले हत्या भएको भन्ने तथ्य फेला पारेपछि छलमायालाई पक्राउ गरिएको हो ।

हत्या गरेर फरार भएकी उनलाई प्राविधिक र मानवीय विश्लेषणका आधार पक्राउ गरेको प्रहरीले जनाएको छ ।