सरकारले खसीबोकाको स्वास्थ्य परीक्षण आजबाट शुरू गर्दै छ ।

पशुसेवा विभागले उपत्यकाका १० ठाउँमा खसीबोकाको स्वास्थ्य परीक्षण गर्न लागेको हो ।

यो क्रम दसैंको नवमीसम्म जारी रहने विभागले जनाएको छ । 

विभागका अनुसार, त्यसका लागि ५० जना पशु चिकित्सकको टोली खटिँदैछ ।

खसीबोकाको स्वास्थ्य परीक्षण गरेर स्वस्थकर खसीबोकाको सिङमा हरियो र अस्वस्थकरको सिङमा रातो रङको स्टिकर लगाइनेछ ।

कलंकी, टुकुचा, चन्द्रागिरि, चाल्नाखेल, बालाजु, टोखा, बल्खु, लोकन्थली, सल्लाघारी लगायत क्षेत्रमा स्वास्थ्य परीक्षण हुन लागेको हो ।

यो वर्षको दसैंमा उपत्यकामा ६० हजार खसीबोका खपत हुने अनुमान गरिएको छ ।