पुस ७, २०८०
इस्पी सम्बत्को नयाँ वर्ष सन् २०२४ को अवसरमा नेपालको प्रमुख पर्यटकीय नगरी पोखरामा २५ औँ ‘पोखरा स्ट्रिट फेस्टिभल’ हुने भएको छ । रेस्टुरेन्ट एण्ड बार एसोसिएसन नेपाल (रेवान)को आयोजना र एडसाथीको व्यवस्थ...
बेलहिया नाका पारि भारतीय बजार सुनौलीबाट बुटवल–११ प्रगतिनगरकी उजेली थापाले मंगलवार २ वटा ठूला झोला गाडीमा राखेर सामान ल्याइन् । उनको झोलामा ५ किलो चिनी, चिया, साबुन, दशैंका लागि लत्ताकपडा (कुर्ती, साडी, तन्ना) र बिस्कुट थिए ।
नेपाल–भारत सीमा नाका बेलहियामा प्रहरीले झोला चेकजाँच गरेपछि नेपाल छिर्नका लागि उजेलीले स्वीकृति पाइन् । सुनौली नाका ७ दशकभन्दा पुरानो नेपालीको चल्तीको बजार हो ।
उनी भन्छिन्, ‘नेपालमा भन्दा दैनिक उपभोग्य वस्तु, लत्ताकपडा र मोटरपार्टसका सामान धेरै सस्तो पर्छ । बेला–बेला यहीँ (सुनौली) आएर किनमेल गर्छु । दशैंमा त प्रत्येक वर्ष जस्तै आउँछु ।’ उनले सुनौलीमा किनमेल गर्न थालेको ५ वर्षजति भयो ।
तिलोत्तमाको कान्छीबजारका रुपेश ठाडामगरको पनि ठूलो किनमेल प्रायः सुनौलीमै हुने गरेको छ । भारतीय बजारमा उपभोग्य वस्तुको मूल्य अन्तरले रुपेश पनि पारि तानिएका हुन् । सुनौलीमा भेटिएका उनी भन्छन्, ‘२–४ पैसा भए पनि नेपालमा भन्दा सस्तो छ । बाइकमा खुर्रर आयो, सामान किन्यो, गयो । फाइदै हुन्छ नि !’
उनले मंगलवार सुनौली पुगेर आफ्नो मोटरसाइकल सर्भिसिङ गरे । चिनी, फलफूलदेखि प्याजसम्म पारिबाटै मोटरसाइकलमा हालेर घरमा आए । उनलाई पनि २ वर्ष अगाडि १ जना साथीले सुनौलीमा सस्तो पाइन्छ भनेर लगेपछि त्यहीँ किनमेल गर्न जाने बानी परेको छ ।
सुनौलीमा अहिले चिनी नेपाली ६५ रुपैयाँ पर्छ भने नेपालको बुटवल–भैरहवामा ८५–९० रुपैयाँसम्म पर्छ । सुनौलीमा मंगलवार उपभोक्ताले १०० रुपैयाँमा ३ किलोग्राम प्याज किनेका थिए भने लसुन ५० रुपैयाँ किलो थियो ।
दशैंको किनमेल गर्न मंगलवार बुटवलकी सीता घिमिरे पनि सुनौलीमा भेटिइन् । ‘बुटवलभन्दा सुनौलीतिर लुगाकपडा सस्तो हुन्छ,’ सीताले भनिन्, ‘त्यसैले म त यतै आएर किनमेल गर्छु । हामी २–४ जना साथी मिलेर किनमेलका लागि यहाँ आउँछौं ।’
नेपालीहरू आफूलाई चाहिने खाद्यान्न र अन्य सामग्री किनमेल गर्न सुनौली जाने परम्परा नै बसेको छ । परिवारको घरायसी आवश्यकताका लागि किनेको सामानका लागि भैरहवा नाकामा भन्सार तिर्नु पनि पर्दैन ।
बुटवल र भैरहवामा दशैंमा उपभोक्तालाई सस्तो मूल्यमा खाद्यान्नदेखि सबै सामग्री पाइने दशैं सस्तो बजार सञ्चालन भइरहेका छन् तर नेपालका दशैं बजार सुनसान छन् भने पारिको बजारमा किनमेल गर्नेको घुइँचो लागेको छ ।
सुनौली नेपालका ग्रामीण एवं शहरका सर्वसाधारण उपभोक्ताको मुख्य किनमेल गन्तव्य बन्न पुग्दा नेपाली व्यापारी चिन्तित छन् । नेपालीहरू दैनिक उपभोग्य सामान किन्न सुनौली पुग्छन् । सिद्धार्थनगर उद्योग वाणिज्य संघका अध्यक्ष भीष्मराज न्यौपानेका अनुसार चहलपहल र किनमेलमा भैरहवा र बेलहियाको सुनौलीसँग तुलना नै हुँदैन ।
सस्तोको नाममा नेपाली उपभोक्ता पारि गएर ठगिएको उनी दाबी गर्छन् । ‘हामी नेपालीलाई सुनौलीको चिनी मन पर्छ,’ न्यौपानेले लोकान्तरसँग भने, ‘चिनी केही सस्तो दिन्छन्, अरु वस्तुमा उनीहरू धेरै ‘मार्जिन’ राख्छन् । जसले गर्दा उपभोक्ता ठगिएका छन् । हामीले नेपाली बजारमा किनमेल गर्ने बानीको विकास गराउने प्रयास स्वरूप सस्तो बजार सञ्चालन गरेका छौं । नेपाली बजारमै किनमेल गर्नुपर्छ भन्ने सचेतना हामी पटक–पटक गराउँदै आएका छौं ।’
सीमावर्ती बजारले नेपाली व्यावसायी धरासायी बनेका अध्यक्ष न्यौपानेले बताएका छन् ।
पारि सुनौली बजारमा भारतबाट आउने नून, खाने तेल, मट्टितेल, चिनी आदि लिन देशका विभिन्न ठाउँबाट मानिसहरू पुग्थे । सुनौलीभन्दा ८ किलोमिटर अगाडि रहेको नौतुना बजारसम्म रेलले खाद्यान्नदेखि विभिन्न वस्तुहरू ल्याउँथे । पहाडी जिल्लाहरू गुल्मी, अर्घाखाँची, पर्वत, बागलुङसम्मका अधिकांश व्यापारीहरू सामान किन्न भरिया लिएर सुनौली पुग्ने गरेको इतिहास थियो ।
अहिलेको सुनौलीको व्यापार पहिलेभन्दा फस्टाउँदो छ । नेपाली बजार भैरहवा, बुटवलका उपभोक्तालाई सुनौली गएर किने सस्तोमा पाइन्छ भन्ने परम्परा नै बसेको छ । ‘सुनौलीको व्यापार धेरै उत्साहजनक छ,’ पारिका व्यापारी सैदुन रामानले भने, ‘हाम्रा ९५% उपभोक्ता नेपाली छन् । नेपाली उपभोक्ता नआए सुनौली बजार बन्द नै हुन्छ । नेपाली उपभोक्ताले सुनौलीको बजार धानेका छन् ।’
नेपालीहरू अहिले पनि आपतको अवस्थामा सुनौली नाका सम्झन्छन् । भारतले २०७२ सालमा लगाएको अघोषित नाकाबन्दीका बेला साविक लुम्बिनी अञ्चलदेखि बागलुङ, पर्वत आसपासका धेरै जिल्लाका मान्छेले सुनौली नाकालाई नै इन्धनको सहारा बनाएका थिए । नेपालीहरूले सुनौली हुँदै नौतुनासम्म पुगेर इन्धनको जोहो गरेका थिए ।
सीमा-पार व्यापार राष्ट्रिय समस्याको रूपमा रहेको छ । बुटवल उद्योग वाणिज्य संघका अध्यक्ष उज्जव कसजूले सरकारले सीमा क्षेत्रका समस्या भएका बजारबारे भन्सार, राजस्व कार्यालय र सरोकारवालासँग समन्वय गरेर उपभोक्तालाई सचेतना गराउनुपर्ने बताए । कोरोना महामारीले पारेको आर्थिक मन्दीपछि सरकारले स्वदेशी व्यवसायीलाई प्रोत्साहन गर्न नसकेको कसजू बताउँछन् ।
सुनौलीमा मात्रै अहिले दैनिक ५ करोड रुपैयाँभन्दा बढीको आर्थिक कारोबार हुने गरेको छ । राज्यले छोटी भन्सार बन्द गरी तराईका मुख्य ५ वटा नाका मात्र सञ्चालन गर्न सके सीमा-पार किनमेल रोक्न सकिने उद्योगी÷व्यवसायी बताउँछन् । न्यौपानेले भने, ‘सुनौली, वीरगञ्ज, नेपालगञ्ज, गड्डाचौकी र विराटनगरबाहेक अन्य नाकामा भन्सार नराखी पूर्ण रूपमा बन्द गर्न सकेमा बजार क्षेत्रका उपभोक्ता भारत जाने थिएनन् ।’
इस्पी सम्बत्को नयाँ वर्ष सन् २०२४ को अवसरमा नेपालको प्रमुख पर्यटकीय नगरी पोखरामा २५ औँ ‘पोखरा स्ट्रिट फेस्टिभल’ हुने भएको छ । रेस्टुरेन्ट एण्ड बार एसोसिएसन नेपाल (रेवान)को आयोजना र एडसाथीको व्यवस्थ...
नेपालका लागि टाटा मोटर्सको एकमात्र आधिकारिक वितरक, सिप्रदी ट्रेडिङ्ग प्रालिले विद्युतीय गाडी टाटा टियागो ईभीको शुरूवाती मूल्य योजना समाप्त भएको जनाएको छ । सन् २०२३ को सेप्टेम्बरमा आयोजित नाडा अटो शोको ...
यशोदा फूड्स प्रालिले करेन्ट चाउचाउ लगायत आफ्नो कम्पनीको उत्पादन र विक्रीवितरणमा कुनै पनि रोक नलागेको स्पष्ट पारेको छ । उत्पादन बिक्रीवितरणमा रोक लगाईपाउँ भन्दै परेकोउजुरीविरुद्ध उद्योग विभागले गत जे...
विश्वभर नै गुणस्तरीय सेवासहित चेन होटल विस्तारलाई तीव्रता दिएका लुभरे होटल ग्रप, गोल्डेन टुलिप ब्रान्डमा सरोबर होटल एण्ड रिसोर्ट्सको व्यवस्थापनमा रुपन्देहीमा चेन होटल सञ्चालनमा आउने भएको छ । आगामी वर्षदेखि सञ्चा...
३५ वर्ष लामो विरासत बाेकेको भारतको नम्बर १ टायल कम्पनीको रूपमा प्रख्यात कजरिया टायल्सले काठमाडौंमा आफ्नो पहिलो एक्सपेरियन्स उद्घाटन गर्दै नेपाली बजारमा प्रवेश गरेको छ । बिहीवार आयोजित कार्यक्रममा कजरिया...
अपाङ्गता भएका व्यक्तिहरूको ३२औं अन्तर्राष्ट्रिय दिवसको अवसरमा सिटी एक्सप्रेस मनी ट्रान्सफरलाई राष्ट्रिय अपाङ्ग कोषले सम्मान गरेको छ । उक्त सम्मान शहरी विकासमन्त्री सीता गुरुङले आइतवार हस्तान्तरण गरेकी हुन् । गत ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...