मौलिक सिर्जनाहरूबाट स्रोता–दर्शकको मन जितिरहेका गायक एवं सर्जक प्रकाश दुतराजको नयाँ गीत सार्वजनिक भएको छ । ‘मै जाम्ला’ बोलको नयाँ गीत उनले मंगलवार राति दर्शक तथा स्रोतामाझ ल्याएका हुन् । 

गीतमा प्रकाशको एकल स्वर छ । शब्द तथा संगीत पनि गायक स्वयंकै हो । प्रकाशकै निर्देशनमा तयार भिडियोमा लक्ष्मी बर्देवा र सुनिल दुतराज प्रस्तुत छन् । प्रकाशलाई पनि भिडियोमा थोरै झलक हेर्न सकिन्छ । 

प्रकाशले ‘मन भुल्छ’पछि अफिसियल गीत रिलिज गरेका हुन् । 

अनिल के. मानन्धरको छायाँकन रहेको ‘मै जाम्ला’लाई नविन घर्ती मगरले सम्पादन गरेका हुन् । प्रकाशका ‘बैनी झ्यालैमा’, ‘घर कता हो बैनीको ?’, ‘जाम भो माइली’, ‘चोली मैलै भो’ लगायतका गीत स्रोता–दर्शकले निकै रुचाएका छन् ।