लागुऔषध सेवन गरी सवारी साधन चलाइरहेको अवस्थामा १ जना चालक पक्राउ परेका छन् ।

काठमाडौं उपत्यका ट्राफिक प्रहरी कार्यालय रामशाहपथ र लागुऔषध नियन्त्रण ब्युरो कोटेश्वरको संयुक्त टोलीले चेकजाँच गर्ने क्रममा लागुऔषध सेवन गरी सवारी साधन चलाइरहेको अवस्थामा १ जना चालकलाई आज साँझ नागढुङ्गा सडक खण्डमा फेला पारेको हो ।

बागमती प्रदेश ०१-००६ ख ३९९१ नम्बरको आईचर गाडीका चालक धादिङको धुनीबेसी नगरपालिका ५ का २३ बर्षिय सुजन ढकाल लागुऔषध सेवन गरी सवारी साधन चलाइरहेको अवस्थामा फेला परेका हुन् ।

चेकिङको क्रममा लागुऔषध सेवन गरी सवारी साधन चलाइरहेको अवस्थामा हालसम्म ४ जना चालक फेला परेका छन् । उनीहरूलाई आवश्यक अनुसन्धान तथा कारवाहीका लागी सम्बन्धित प्रहरी कार्यालयहरूमा पठाइएको छ ।

सवारी साधनका चालकहरूले लागुऔषध सेवन गरी सवारी साधन चलाए नचलाएको सम्बन्धमा प्राविधिक टोली सहित टिएचसी किटको प्रयोग गरी गत साउन ९ गतेबाट ट्राफिक प्रहरीले चेकजाँच अभियान सुरु गरेको हो ।

* यस समाचारमा शुरूमा प्रयोग भएको तस्वीर अन्यथा पर्न गएकाले सच्याइएको छ ।