घरेलु टोली पाकिस्तानले इंग्ल्यान्डविरुद्धको पाँचौं टी-ट्वान्टीमा जीत निकालेको छ ।

बुधवार राति भएको खेलमा पाकिस्तानले इंग्ल्यान्डलाई ६ रनले हराएको हो ।
 
जितसँगै पाकिस्तानले ७ खेलको सिरिजमा ३-२ को अग्रता बनाएको छ ।

पाकिस्तानले दिएको १ सय ४६ रनको लक्ष्य पछ्याएको इंग्ल्यान्डले २० ओभरमा ७ विकेट गुमाएर १ सय ३९ रन मात्र बनाउन सक्यो ।

इंग्ल्यान्डका लागि कप्तान मोइन अलीले अविजीत रहदै ५१ रनको अर्धशतकीय इनिङ खेले ।

डाविड मालनले ३६ तथा साम करणले १७ रन जोडे ।

पाकिस्तानका हरिस राउफले २ विकेट लिए ।

त्यसअघि पहिले ब्याटिङ गरेको पाकिस्तानले १९ ओभरमा अलआउट हुँदै १ सय ४५ रन बनाएको थियो ।

पाकिस्तानका लागि मोहमद रिजवानले ६३ रनको अर्धशतकीय इनिङ खेले । इफ्तिखर अहमदले १५ रन जोडे ।

इंग्ल्यान्डका मार्क उडले ३ तथा डेविड विलि र साम करणले २/२ विकेट लिए ।