फ्राइडे रिलिज अन्तर्गत आज (शुक्रबार)देखि नेपाली चलचित्र ‘बाबरी’ प्रदर्शनमा आएको छ । 

दशैंको अवसर पारेर प्रदर्शनमा आएको चलचित्रमा धिरज मगर, अदिति बुढाथोकी र धिरज नाड्कर मुख्य भूमिकामा छन् । 

धिरज मगर र अदितिको यो दोस्रो चलचित्र हो । 

धिरज नाड्कर भने ‘बाबरी’ मार्फत नेपाली चलचित्र क्षेत्रमा डेब्यू गरेका हुन् । 

त्रिकोणात्मक प्रेमकथा पेश गर्ने चलचित्रलाई सुरेन्द्र पौडेलले निर्देशन गरेका हुन् ।

गणेश बुढाथोकी र पुष्पलता बुढाथोकी चलचित्रका निर्माता हुन् । 

बिहीवार चलचित्रको राजधानीमा ग्राण्ड प्रिमियर शो समेत आयोजना गरिएको थियो, जहाँ चलचित्रले सकारात्मक प्रतिक्रिया पाएको थियो । 

शुक्रवारदेखि ‘बाबरी’सँगै विदेशी चलचित्र ‘विक्रम बेधा’ र ‘पिएस आई’ पनि प्रदर्शनमा आएका छन् ।

गत शुक्रवारदेखि प्रदर्शनमा आएको ‘प्रेम गीत ३’ भने आजदेखि दोस्रो सातामा प्रवेश गरेको छ ।