उपराष्ट्रपति नन्दबहादुर पुन ‘पासाङ’ले संस्कृतिविद् सत्यमोहन जोशीको स्वास्थ्य लाभको कामना गरेका छन् । आज  बिहान ग्वार्कोस्थित किष्ट शिक्षण अस्पताल पुगेर उनले उपचाररत 'शताब्दी पुरुष' जोशीको स्वास्थ्यलाभको कामना गरेका हुन् । 

त्यस अवसरमा उपराष्ट्रपति पुनले जोशीको स्वास्थ्य अवस्थाको बारेमा जानकारी लिएका थिए । जोशीको उपचारमा संलग्न चिकित्सकहरूले उनको स्वास्थ्यमा उल्लेख्य सुधार आएको जानकारी दिएका थिए । जोशीको स्वास्थ्यमा आएको उल्लेख्य सुधारमा उपराष्ट्रपतिले खुसी व्यक्त गरे । 

‘यहाँ राष्ट्रपिता हुनुहुन्छ । पिताको स्वास्थ्यमा आएको सुधारले म निकै खुसी भएको छु’, जोशीलाई 'राष्ट्रपिता'को रूपमा सम्बोधन गर्दै उपराष्ट्रपति पुनले भने, ‘यहाँ चाँडै डिस्चार्ज भएर घर फर्कनु हुने मलाई विश्वास छ ।’

'शताब्दी पुरुष' जोशी डेंगु संक्रमण र अन्य स्वास्थ्य समस्याले किष्ट मेडिकल अस्पतालमा उपचाररत छन् ।