पुस ५, २०८०
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
नेपाली मुद्रासँगको तुलनामा अमेरिकी डलर अहिलेसम्मकै महंगो भएको छ ।
नेपाल राष्ट्र बैंकले बिहीवारका लागि जारी गरेको विदेशी मुद्रा सटहीको दरअनुसार १ अमेरिकी डलर किन्न नेपाली मुद्रा १३१.४१ रुपैयाँ खर्चिनुपर्छ ।
डलरको मूल्य १ वर्ष अगाडि असोज १३ गते सटही दर ११८.७७ रुपैयाँ थियो । त्यसपछि पुस १४ गते डलरको मूल्य थोरै ओरालो लागेको देखिन्छ । त्यतिबेला १ डलर किन्न ११९.७५ रुपैयाँ खर्च गर्नुपर्ने थियो । गत वर्षको पुसपछि निरन्तर बढिरहेको डलरको मूल्य अहिलेसम्म रोकिएको छैन । हरेक महिना बढ्दै गएका कारण पछिल्लो १ वर्षमै डलरको मूल्य १२.६४ डलरले बढिसकेको छ ।
रसिया–युक्रेन युद्धसँगै अन्तर्राष्ट्रिय बजारमा डलरको माग धेरै हुँदा मूल्य बढ्दै गएको हो । अमेरिकी डलरसँग सटही दरको तुलनामा नेपाली मुद्राको अवमूल्यन हुँदै गइरहेको छ । जसका कारण नेपाली मुद्रासँगको तुलनामा डलर अहिलेसम्मकै महंगो भएको हो । नेपाली मुद्रा भारतीय मुद्रासगँको स्थिर विनिमयको कारण भारतीय मुद्रा डलरसँग कमजोर हुँदै गएको छ । जसको असर नेपाली मुद्रामा देखिएको छ । अहिले भारतीय मुद्रा पनि डलरसँग अहिलेसम्मकै कमजोर भइरहेको छ ।
पछिल्लो अवस्थाले डलरको मूल्य महंगिन अझै नरोकिने नेपाल राष्ट्र बैंकका अनुसन्धान विभागका कार्यकारी निर्देशक प्रकाश श्रेष्ठले बताए । उनले भने, ‘भारतीय रिजर्र्भ बैंक (आरबीआई) ले हस्तक्षेप गरेको अवस्थामा मात्रै डलर नेपालमा पनि सस्तो हुनसक्छ । अहिले भारतीय मुद्राको पनि नेपाली जस्तै गरी अवमूल्यन भइरहेको छ ।’
भारतले यसअघि हस्तक्षेप गरेर रोकेको भए पनि डलर सञ्चिति घटेका कारण फेरि खुला छाडिदिएको छ । भारतलाई पनि नाफा र घाटा दुवै हुुन्छ । पछिल्लो समय भारतले निर्यात बढाउनलाई डलर बलियो हुँदै जाँदा र आफ्नो मुद्रा कमजोर भइरहँदा पनि चुप लागेर बसेको देखिन्छ । भारतको आरबीआईले भारुलाई अवमूल्यन हुन नदिन बजारमा डलर बेच्नुपर्ने हुन्छ । डलर बजारमा पठाउँदा रिजर्र्भ घट्ने र ठूलो अर्थतन्त्र भएको मुलुक भएको हुँदा नकारात्मक असर पर्ने बुझाइ पनि हुनसक्ने राष्ट्र बैंकका अनुसन्धान विभागका श्रेष्ठले बताए ।
श्रेष्ठ नेपाली रुपैयाँ भारतीय मुद्रासँग आधारित भएको र कारोबार पनि वर्षाैदेखि स्थिर रहेको बताउँछन् । नेपाली मुद्रा भारुसँगको स्थिर विनिमय दर भएकै कारण भारुको अवमूल्यन हुँदा नेपाली मुद्राको समेत अवमूल्यन हुन पुगेको छ । ‘नेपालीले भारु १०० रुपैयाँ किन्न नेपाली मुद्रा १६० रुपैयाँ खर्च गर्नुपर्छ । पछिल्लो समय डलरसँग भारतीय मुद्रा नै अवमूल्यन भएको हुँदा नेपाली मुद्रा पनि सोही अनुपातमा अवमूल्यन हुँदै गएको श्रेष्ठले जानकारी दिए ।
उनले भने, ‘अमेरिकाले मौद्रिक नीतिमा गरेको कडाइ, संघीय रिजर्ब कोषको रकम ०.५ बाट बढाएर २.०५ प्रतिशत बनाउनु र यसले गर्दा ब्याजदर अमेरिकामा नै बढी पाउने हुँदा भारतबाट पुँजी पलायन भएको अनुमान भइरहेको छ ।’ यसले भारतको विदेशी मुद्रा समेत घट्न पुगेको छ भने विदेशी मुद्राको सञ्चिति घटेर नेपाली मुद्राको अवमूल्यन समेत बढेको श्रेष्ठले बताए ।
डलरको मूल्य बढ्दै गएका कारण अहिले युरोभन्दा माथि पुगेको छ । अहिले युरो १ डलर साट्न १२५.७९ रुपैयाँ खर्च गरे पुग्छ । डलर किन्दा त्योभन्दा ५.६२ रुपैयाँ बढी खर्च गर्नुपर्छ । डलरको मूल्य बढ्नुले नेपालमा मात्रै नभएर विश्वव्यापी रूपमै असर गर्ने हुन्छ ।
डलरको तिरेर भारु किन्दा फाइदा
नेपालले आयात गर्ने वस्तु अधिकांश भारतबाटै आउँछ । भारतबाट किन्ने सामानको भुक्तानी नेपालले भारुमा नै गर्ने गरेको छ । नेपालले भारु किन्न डलर खर्च गर्ने गरेको छ । भारुको मूल्य पनि डलरसँग अवमूल्यन हुँदा नेपालले भारु किन्नमा फाइदा हुन्छ । नेपाल राष्ट्र बैंकका अनुसन्धान विभाग प्रमुख श्रेष्ठ भन्छन्, ‘नेपालले डलरबाटै भारु साटेर सामानको भुक्तानी गर्छ । त्यसो हुँदा हिजोका दिन १०० डलर खर्च गर्दा जति भारी आउँथ्यो, त्योभन्दा बढी अहिले आउने हुन्छ ।’
नेपालमा आउने रेमिट्यान्स डलरमा आउँने हुँदा विदेशी मुद्रा सञ्चिति बढाउन सहयोगी हुन्छ । डलर धेरै आउने र भारतसँग १८–२० वस्तुबाहेक सबैको भुक्तानी भारुमै हुने हुँदा नेपाललाई उल्लेख्य घाटा नहुने बुझाइ पनि श्रेष्ठको छ ।
नेपाली श्रमिक गएका मुलुकको मुद्रा बलियो भएको छ र डलरसँग अवमूल्यन भएको छैन भने फाइदा नै हुन्छ । विदेशी मुलुकमा नेपाली श्रमिकले पाउने पारिश्रमिकको सटही दर पनि बढिरहेको छ ।
डलरको मूल्य बढ्दा नेपालमा विदेशी मुद्रा भित्र्याउने निकायले भने लाभ लिन सक्छन् । नेपालमा रहेका विभिन्न कम्पनीमार्फत आउने रेमिट्यान्सबाट लाभ लिन सकिने हुन्छ । रेमिटेन्स पठाउँदा नेपाली रुपैयाँमा पाउनेले बढी पाउँछन् ।
डलरको मूल्य बढ्दा सबैभन्दा बढी र प्रत्यक्ष लाभ लिन सक्ने क्षेत्र पर्यटन उद्योग पनि हो । यस्तो बेला पर्यटन क्षेत्रबाट हुने आम्दानी बढ्न सक्ने हुन्छ तर यसका लागि पर्यटक आगमन र उनीहरूले गर्ने खर्च बढाउन सक्नुपर्छ । नेपालमा विदेशी पर्यटक आउँदा डलर बोकेर आउने र डलर कार्डबाट हुने खर्चका कारण पनि विदेशी मुद्रा बढाउन सहयोग गर्छ ।
नाफाभन्दा ठूलो हिस्सा घाटामा
नेपाल आयातमा आधारित अर्थतन्त्र भएको मुलुक हो । नेपालले वार्षिक १९ खर्ब २० अर्ब रुपैयाँको वस्तु आयात गरिरहेको छ । यस्तो आयात गर्दा डलरमै भुक्तानी गरेर बाहिरबाट ल्याउनुपर्ने हुन्छ । भारतबाट आउने बढी खपत अधिक हुने वस्तु डलरमै किन्नुपर्छ । अरु मुलुकबाट आउने वस्तुको भुक्तानी पनि डलरमै हुने भएकाले नेपाललाई आयातमै ठूलो खर्च हुन्छ । डलर महंगिएका कारण डलर सञ्चिति जोगाउन पनि गाह्रो पर्दै जान्छ ।
निर्यात राम्रो भएका मुलुकलाई भने डलर बढ्दा लाभ हुन्छ । नेपाल निर्यातमा कमजोर छ । यसले वर्षमा जम्मा २ खर्ब रुपैयाँको मात्रै आयात गर्छ । यसको आयातको तुलनामा निर्यातको हिस्सा ९ प्रतिशत मात्रै भएकाले पनि डलरको भाउ बढ्दा लाभ लिन सक्दैन ।
डलरको मूल्य बढ्दा नेपालले विभिन्न देशबाट लिएको ऋणको साँवा ब्याजको भुक्तानीमा पनि डलर नै बढी खर्च हुन्छ । सम्बन्धित देशलाई नेपालले लिएको ऋणको सावाँ–ब्याज विदेशी मुद्रामै गर्नुपर्छ ।
यस्तो बेला बाहिरबाट डलर आम्दानी बढाउने र भुक्तानी कम गरेर विदेशी मुद्रा सञ्चिति भने बढाउनुपर्ने चुनौती रहेको राष्ट्र बैैंकको विदेशी विनिमय विभागको बुझाइ छ । डलरको मूल्य बढेपछि अपेक्षा अनुसार घट्न भने सक्दैन । नेपाली मुद्रा भारतीय मुद्रासँग स्थिर विनिमय भएकाले पनि जति भारतीय मूल्य अवमूल्यन हुन्छ, नेपाली मुद्रा पनि त्यति नै कमजोर हुन्छ । भारतीय मुद्रा बलियो हुँदै जादाँ नेपाली मुद्रा पनि बलियो हुन्छ ।
डलरको मूल्य बढ्दा निर्माणाधीन विदेशी लगानीका आयोजनाको लागत समेत बढ्न सक्छ । नेपालमा काम गरिसकेपछि भुक्तानी माग्ने गरिन्छ । काम सक्न लामो समय लाग्दा भुक्तानी डलरमै हुने हुँदा आयोजनाको लागत पनि बढ्दै जान्छ । यस्तो लागत पोखरा अन्तर्राष्ट्रिय विमानस्थल एउटैमा करीब ५ अर्ब रुपैयाँले बढेको अनुमान गरिएको छ ।
यसबाहेक विदेशी लगानीका आयोजनालाई डलरमै भुक्तानी गर्ने गरिएको विद्युत् व्यापार सम्झौता (पीपीए) भएको अवस्थामा आयोजनाको लागत बढ्छ । डलरमा गरिने यस्तो पीपीए बर्सेनि बढ्दै गएको विदेशी मुद्रा विनिमयको दरका कारण डलरमै भुक्तानी गर्नुपर्ने हुँदा भएको कारण खर्च बढी हुन्छ । डलरको मूल्य बढ्दा सीमित क्षेत्रमा लाभ हुने भए पनि खर्चको हिस्सा ठूलो भएको हुँदा घाटा हुनसक्ने दाबी सम्बन्धित क्षेत्रका जानकारहरूको छ ।
पछिल्लो १ वर्षमा अमेरिकी डलरको खरिद तथा बिक्रीदर
स्रोतः नेपाल राष्ट्र बैंक
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...