नेकपा एमालेका अध्यक्ष केपी शर्मा ओलीले सर्वसाधरणसँग फोन सम्वाद गर्ने भएका छन् । 

उनले कात्तिक ४ गते जनतासँग टेलिफोनमा कुरा गर्ने भएका छन् । ‘कल केपी बा’ नाम दिइएको आफ्नो फोटोसहितको पोष्टर शेयर गर्दै ओलीले फेसबुकमा लेखेका छन्, ‘कात्तिक ४ गते, म तपाईँको सम्पर्कमा हुनेछु, आउनुहोस् कुरा गरौं ।’

ओलीसँग कुराकानी गर्न चाहनेले उनको फेसबुकको म्यासेज बक्समा आफ्नो नम्बर दिनु पर्ने छ ।

उनले कमेन्टमा लेखेका छन्, ‘यहाँ कमेन्टमा होइन इनबक्समा मेसेज गरी सम्पर्क नम्बर दिनुहोला । म सम्पर्क गर्ने छु ।’