अझैसम्म बाटो छैन कर्णालीमा किन ?
पीडा ब्यथा बुझ्नलाई जनतासँगै हिँड्

‘समर्पण– धरानमा हर्क’ शीर्षकको गीतको पंक्ति हो यो । चर्चित गायक बिमल डाँगीसहित ८ जना गायक/गायिकाहरूको स्वरमा उक्त गीत आइबार युट्युबमा सार्वजनिक गरिएको छ । 

११ मिनेट लामो उक्त गीतमा जनताको पीडा व्यक्त गरिएको छ । 

निर्वाचनको बेला दल र उम्मेद्वारका गुणगान गाईएका गीतहरू निरन्तर सार्वजनिक भइरहेको बेला जनताको पीडा समेटिएको गीत सार्वजनिक भएको हो । 

यमप्रसाद निउरेको शब्द रहेको गीतमा आर्यन न्यौपानेको संगीत छ भने गीतलाई सागर विरहीले एरेन्ज गरेका छन् । 

गीतमा बिमल डाँगीसहित सूर्य खड्का, बालकुमार श्रेष्ठ, सागर विरही, सिता श्रेष्ठ, अस्मिता डल्लाकोटी, निता अधिकारी र श्याम क्षेत्रीले स्वर दिएका छन् । 

गीतको शीर्षकमा धरानका मेयर हर्क साम्पाङको भने गुणगान गाईएको छ । गीतमा देश बिगार्ने नेतालाई भोट नदिन आग्रह गरिएको छ भने विकासप्रेमी युवाहरुलाई भोट दिन मतदाताहरूलाई सुझाव दिइएको छ ।

यस्ताे छ भिडियाे-