नेपाल लाइफ इन्स्योरेन्स कम्पनी डिजिटल भुक्तानीका लागि नेश्नल पेमेन्ट स्विच (एनपीएस)मा आबद्ध भएको छ । 

कम्पनीले आफ्नो कारोबारहरूलाई नेपाल क्लियरिङ्ग हाउसको भुक्तानी प्रणाली प्रयोग गरी डिजिटल माध्यमबाट भुक्तानी गर्न सक्ने व्यवस्था लागू गर्न एनपीएसको लागि नेपाल क्लियरिङ्ग हाउससँग सम्झौता गरेको हो । 

उक्त सम्झौतापश्चात् नेपाल लाइफको आन्तरिक भुक्तानी प्रणालीलाई एनसीएचएलको नेश्नल पेमेन्ट इन्टरफेस (एनपीआई) सँग जोडी एनपीएस अन्तर्गतको विभिन्न भुक्तानी उपकरणहरू प्रयोग गर्न सक्नेछन् । 

उक्त सम्झौता पत्रमा नेपाल लाइफका प्रमुख कार्यकारी अधिकृत प्रवीण रमण पराजुली र एनसीएचएलका प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन् ।   

नेपाल लाइफ इन्स्योरेन्सको १९७ शाखा सञ्जालहरू र २ लाख १२ हजार ३६२ अभिकर्ताहरू छन् । एनसीएचएलसँगको सहकार्यले नेपाल लाइफको सेवा प्रवाह थप सुदृढ हुने कम्पनीले विश्वास लिएको छ ।