×

X
Nic Asia
Dabur
Khukuri

चुनावको मिति घोषणा हुँदै गर्दा जन्मिएको राष्ट्रिय स्वतन्त्र पार्टी (रास्वपा)ले चुनावी मैदानमा आश्चर्यजनक प्रर्दशन गर्‍यो । स्थापित भनिएका ठूला दलका उम्मेदवारलाई हायल–कायल पारिदियो । 

LAxmi BAnk
nabil BANK inside

पहिलो प्रयासमै प्रत्यक्षतर्फ ६ जनाले चुनाव जितिसकेका छन् । अझै केही ठाउँमा अग्रता कायम छ । यसअघि कहिल्यै राजनीतिमा नजोडिएका व्यक्तिहरू अहिले चुनाव जितेर सांसद भएका छन् । 


Advertisment
RMC TANSEN
cg elex island
NIC ISLAND BOX

रास्वपाका सभापति रवि लामिछाने यसअघि कुनै राजनीतिक मोर्चामा थिएनन् । टेलिभिजनमा कार्यक्रम प्रस्तोता रहेका लामिछानेले गत असार–१ मा जागिरबाट हात झिकेर राजनीतिक यात्रा तय गरेका थिए । पहिलो प्रयासमै चितवन–२ बाट चुनाव जिते र सांसद बने । 


Advertisment
Saurya island

रविमात्रै होइन, उनको नेतृत्वमा ६ जना नयाँ अनुहार प्रवेश गर्ने पक्का भइसकेको छ । 

काठमाडौं–२ बाट सोविता गौतमले चुनाव जितेकी छन् । उनी पहिलो प्रयासमै संसद् पुग्ने सबैभन्दा कम उमेरकी सांसद हुने सम्भावना छ । यसअघि सञ्चार क्षेत्र र वकालत पेशामा रहेकी उनी राष्ट्रिय स्वतन्त्र पार्टीबाट उम्मेदवार बनेकी थिइन् । 

Vianet communication
IME BANK INNEWS

गौतमले एमालेका उम्मेदवार मणिराम फुँयाल, सत्ता गठबन्धनकी उम्मेदवार ओनसरी घर्तीलाई पराजित गरेर संसद् छिर्ने साँचो आफ्नो हातमा पारेकी हुन् । 

काठमाडौं–६ बाट जितेका शिशिर खनाल, काठमाडौं–७ बाट विजयी भएका गणेश पराजुली पनि पहिलो प्रयासमै सांसद बनेका हुन् । खनाल नीति निर्माणका विज्ञ हुन् । उनले अमेरिकाबाट उच्च शिक्षा हासिल गरेका छन् । पराजुलीको पृष्ठभूमी पर्यटन व्यवसाय हो ।

त्यसैगरी, ललितपुर–३ बाट निर्वाचिन डा. तोसिमा कार्की पनि यसअघि राजनीतिक मोर्चामा थिइनन् । पाटन अस्पतालमा कार्यरत कार्की नेपाल मेडिकल काउन्सिलको सदस्य निर्वाचित भएकी थिइन् । डाक्टरी पेशा छाडेर राजनीतिमा होमिएकी कार्की पनि पहिलो चुनावी प्रतिस्पर्धाबाटै सांसद पुगेकी हुन् ।

कांग्रेस, एमाले र माओवादी केन्द्रबाट पनि पहिलो प्रयासमै संसदमा पुग्ने उम्मेदवार धेरै छन् । 

उदयपुर–२ बाट निर्वाचित एमालेका अम्बरबहादुर रायमाझीले पहिलो पटक चुनावी प्रतिस्पर्धाका लागि टिकट पाएका थिए । उनका लागि आफैँ उम्मेदवार भएर चुनाव लडेको यो पहिलो अनुभव हो । उनले गठबन्धनका साझा उम्मेदवार एवं एकीकृत समाजवादीका उपमहासचिव जगन्नाथ खतिवडालाई पराजित गरेका हुन् । 

राजनीतिक जिम्मेवारीका हिसाबले पनि रायमाझी एमालेको प्रदेश कमिटीका सचिवालय सदस्य मात्रै हुन् । उनले राष्ट्रिय राजनीतिमा पहिचान बनाइसकेका खतिवडालाई पराजित गरे । 

एमालेकै नेता ठाकुर गैरे अनेरास्ववियुको अध्यक्ष हुँदै पार्टी राजनीतिमा आएका हुन् । तर, उनले संसदीय राजनीतिमा आउन भने ठूलो मेहनत लगाउनुप¥यो । पार्टीभित्र उनी लामो समय ‘लखेटाइ’मा परेका थिए । 

यसपटक उनले चुनावी मैदानमा उत्रिने टिकट पाए । उनले टिकट पाउनुमा पनि एमाले विभाजन मुख्य कारण हो । एमालेबाट टिकट लिएर चुनाव लड्दै आएका सोमप्रसाद पाण्डे एकीकृत समाजवादीमा लागेपछि गैरेका लागि मैदान खाली भयो । 

उक्त मैदानमा गैरेसँग प्रतिस्पर्धा गर्न उनै सोमप्रसाद पाण्डे आए । पाल्पा–२ को मतगणना जारी छ । तर, गैरे पाण्डेभन्दा ४ हजार मतले अगाडि छन् । गैरे निर्वाचित हुने लगभग पक्काजस्तै छ । 

मकवानपुर–२ मा तीन दशकदेखिको विरोध खतिवडाको विरासत भत्काउँदै एमालेका महेश बर्तौलाले चुनाव जितेका छन् । बर्तौलाको लागि पनि यस पटकको चुनावी मैदान पहिलो अनुभव थियो । 

अघिल्लोपटक एमालेबाट जितेर अहिले एकीकृत समाजवादीमा रहेका खतिवडा स्वास्थ्यमन्त्री भइसकेका व्यक्ति हुन् । ०४६ सालपछि भएका सबै निर्वाचनमा एमाले विजयी हुँदै आएको थियो । २०४८, २०५१, २०५६ र २०७४ सालको निर्वाचनमा खतिवडा नै विजयी भएका थिए । उनै खतिवडालाई विस्थापन गरेर बर्तौला संसद् प्रवेश गर्ने भएका छन् । 

एमालेका केन्द्रीय सदस्य सूर्य थापा प्युठानबाट निर्वाचित भएका छन् । थापाका लागि पनि आफैँ उम्मेदवार भएर संसदीय चुनाव लडेको पहिलो अनुभव हो । 

नेकपा माओवादी केन्द्रका केन्द्रीय सदस्य माधव सापकोटाले सिन्धुपाल्चोक–१ बाट चुनाव जितेका छन् । उनले पनि पहिलो पटक संसदीय चुनावको टिकट पाएका हुन् ।

सिन्धुपाल्चोक–१ बाट अघिल्लो पटक एमाले–माओवादी गठबन्धनको बलमा अग्निप्रसाद सापकोटाले चुनाव जितेका थिए । यसपटक उनका भतिजालाई अघि सारेर अग्निले विश्राम लिए । माधव सापकोटालाई सत्तारूढ गठबन्धनको साथ थियो । सिन्धुपाल्चोकमा अघिल्लो पटक एमालेले माओवादी उम्मेदवारलाई चुनाव जिताएको थियो भने यसपटक कांग्रेसको साथमा सापकोटाले चुनाव जितेका छन् । उनले एमालेका नेता सरेश नेपाललाई पराजित गरेका हुन् ।

लोकतान्त्रिक समाजवादी पार्टी (लोसपा)का रामप्रकाश चौधरी पनि पहिलो प्रयासमै संसद् छिरेका छन् । उनले सर्लाही–१ बाट चुनाव जितेका हुन् । उनले एमालेका बागी उम्मेदवार मानबहादुर खड्कालाई पराजित गरे । 

जनमत पार्टीका अध्यक्ष डा.चन्द्रकान्त (सीके) राउत पनि पहिलो चुनावी प्रतिस्पर्धामै संघीय संसदमा आएका अनुहार हुन् । उनले मधेशमा स्थापित राजनीतिक ‘ब्राण्ड’ उपेन्द्र यादवलाई भारी मतान्तरले पराजित गरेका हुन् । यादवलाई मधेशका ‘मसिहा’को उपनामले चिनिन्थ्यो । मधेश आन्दोलनको बलमा उनले सत्तारोहन गर्दै आएका थिए । तर, यादवको सत्तारोहण यात्रालाई राउतले ब्रेक लगाइदिएका छन् । 

मधेशलाई ‘छुट्टै देश बनाउनु पर्छ’ भन्ने नारा स्थापित गरेर आएका राउतले केपी शर्मा ओली नेतृत्वको सरकारसँग सम्झौता गरी विखण्डनको बाटो त्यागेका थिए । 

मुस्ताङबाट चुनाव जितेका कांग्रेसका २९ वर्षीया योगेश गौचन थकाली पनि संसदमा ‘फ्रेस’ अनुहार हुन् । उनले आफ्नै मामा एमालेका उम्मेदवार प्रेम तुलाचनलाई चुनावमा पराजित गरेका हुन् । उनले पनि संसदीय चुनावमा पहिलो पटक टिकट हात पारेका हुन् ।

रूपन्देही–५ बाट चुनाव जितेका एमालेका नेता वासुदेव घिमिरे पनि संसदमा नयाँ अनुहार हुन् । उनले पनि संसदीय चुनावको पहिलो अनुभव लिएका छन् । यसअघि २०७४ मा उनले तिलोत्तमा नगरपालिकाको प्रमुख जितेका थिए । त्यसबेला, नगरपालिकालाई देशकै उत्कृष्ट बनाउने गरी काम गरेको श्रेय घिमिरेले पाएका थिए । 

जुम्लाबाट निर्वाचित भएका राष्ट्रिय प्रजातन्त्र पार्टीका ज्ञानबहादुर शाही (ज्ञानेन्द्र शाही) पनि पहिलो प्रयासमै संसदमा पुगेका छन् । बेथिति र भ्रष्टाचारबारे युट्युबमा टिप्पणी गर्दै अभियन्ताकारूपमा आफूलाई स्थापित गराएका शाहीले जन्मथलो जुम्लाबाटै चुनाव लडेका थिए । उनले माओवादी केन्द्रकी गोमा गौतमलाई चुनाव हराएर संसदको सिट पक्का गरेका हुन् ।

दैलेख–२ बाट निर्वाचित भएका नेपालीकांग्रेसका दिक्पाल शाहीले पनि पहिलो प्रयासमै संसदमा सिट सुरक्षित गरेका छन् ।  उनले नेकपा एमालेका लक्ष्मीप्रसाद पोखरेललाई पराजित गरेका हुन् । पहिलो पटक संसदीय निर्वाचनमा उत्रिएका शाही विभिन्न सामाजिक संघ, संस्थामा रहेर कामगर्दै आएका छन् । 

सोलुखुम्बुबाट चुनाव जितेका एमालेका केन्द्रीय सदस्य मानवीर राई पनि पहिलो प्रयासमै संसदमा आइपुगेका छन् । मानवीरले चुनाव जितेर एकै पटक २ वटा रेकर्ड बनाए । मानवीर नै सोलुखुम्बुमा एमालेलाई जिताउने पहिलो उम्मेदवार हुन् । यसअघि सोलुमा एमालेले कहिल्यै संसदीय चुनाव जितेको थिएन । सातौँ पटक उम्मेदवार भएका कांग्रेसका केन्द्रीय सदस्य बलबहादुर केसीको जीत यात्रालाई राईले ब्रेक लगाइ दिएका हुन् । राई आफैँले पनि पहिलो पटक संसदीय चुनाव फेस गरेका थिए । 

त्यसैगरी, नागरिक उन्मुक्ति पार्टीबाट उम्मेदवार भएकाहरू पनि पहिलो प्रयासमा संघीय संसदमा आउने क्रममा छन् । 

कैलाली–३ बाट गंगाराम चौधरीले जितेका छन् भने कैलाली–१ मा रेशम चौधरीकी श्रीमति रञ्जिता श्रेष्ठले चुनाव जित्ने पक्का–पक्की छ । 

दोलखमा उम्मेदवार रहेका एमालेका बालकृष्ण सिवाकोटी र गठबन्धनकातर्फबाट उम्मेदवार भएका गंगाबहादुर कार्की दुवै जना पहिलोपटक संसदीय चुनाव फेस गरिरहेका छन् । तर, दोलखाबाट प्रदेशसभाका उम्मेदवार कांग्रेस नेता कुन्दन काफ्लेले बुथकब्जा गरेको भन्दै एमालेले मतगणना हुनदिएको छैन । दोलखाबाट प्रतिनिधि सभामा जसले चुनाव जिते पनि चुनाव जित्ने व्यक्ति पहिलो पटक सांसद हुनेछन् ।

इलामबाट उम्मेदवार रहेका एमालेका जिल्लाअध्यक्ष महेश बस्नेत पनि पहिलो पटक संसदीय चुनावको मैदानमा आएका हुन् । इलाम–१ बाट उम्मेदवार रहेका बस्नेत आफ्नै अग्रज झलनाथ खनालसँग प्रतिस्पर्धा गरिरहेका छन् । इलाममा मत गणना जारी छ तर, बस्नेत खनालसँग फराकिलो मतान्तरले अघि छन् । जीतनिकट रहेका बस्नेत पनि संघीय संसदमा फ्रेस अनुहार हुन् । 

मोरङ ५ बाट स्वतन्त्र उम्मेदवारी दिएर जितेका योगेन्द्र मण्डलले पनि पहिलो प्रयासमै संसदको यात्रा तय गरेका हुन् । 

Maruti inside
Mega
NLIC
TATA Below
ncc inside
मंसिर २१, २०७९

यही मंसिर ४ गते सम्पन्न प्रतिनिधि सभा तथा प्रदेश सभा सदस्य निर्वाचनअन्तर्गत समानुपातिक प्रणालीतर्फ सबै मतगणना सकिएपछि निर्वाचन आयोगले प्राप्त मत र भारका आधारमा प्राप्त गर्ने स्थान (सिट) संख्या निर्धारण गरी सम्बन्धित रा...

मंसिर २१, २०७९

निर्वाचन आयोगले गरेको सिट बाँडफाँडअनुसार मधेस प्रदेशमा समानुपातिकतर्फबाट १० पार्टीको प्रतिनिधित्व रहने निश्चित भएको छ । आयोगका अनुसार प्राप्त मतका आधारमा कांग्रेसले सबैभन्दा धेरै ९ सिट पाएको छ । यस्तै एमा...

मंसिर २१, २०७९

नेपाली कांग्रेसका महामन्त्री विश्व प्रकाश शर्माले कांग्रेसको नेतृत्वमा सरकार बनाउनु पर्ने बताउँदै प्रधानमन्त्रीमा सभापति शेरबहादुर देउवाले भने दाबी छाड्नुपर्ने बताएका छन् । अहिले एजेण्डा युवा पुस्तामा रहेकाले पार्टी...

मंसिर २१, २०७९

यही मंसिर ४ गते भएको प्रतिनिधि सभा तथा प्रदेश सभा सदस्य निर्वाचनका लागि खटाइएका अधिकांश कर्मचारीको काज फिर्ता भएको छ । निर्वाचनको प्रतिवेदन तयारीसँग सम्बन्धित बाहेक अधिकांश कर्मचारीको काज विभिन्न चरणमा गरी फिर्...

मंसिर २१, २०७९

नेपाल बार एशोसिएशनले अधिकार नभएका कर्मचारीले सार्वभौम संसद्को क्षेत्राधिकारमाथि हस्तक्षेप गरेको निष्कर्ष निकालेको छ । संघीय संसद् सचिवालयका महासचिव भरत गौतमले निलम्बनमा रहेका प्रधानन्यायाधीश चोलेन्द्र शमशेर जबराल...

मंसिर २१, २०७९

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाली जनताको त्याग र बलिदानको बलमा प्राप्त वर्तमान संविधानको सफल कार्यान्वयनका लागि २०७९ को आवधिक निर्वाचनले सङ्घीय लोकतान्त्रिक गणतन्त्रात्मक ...

संसदीय अग्निपरीक्षामा नयाँ अनुहार : सिंहदरबार पुगेर परीक्षण हुन दिऔं

संसदीय अग्निपरीक्षामा नयाँ अनुहार : सिंहदरबार पुगेर परीक्षण हुन दिऔं

मंसिर २१, २०७९

यसपटकको निर्वाचनले आश्चार्यचकित पार्ने गरी मतपरिणाम ल्याएको छ । पूर्व पञ्चहरूको पार्टी राप्रपालाई मत परिणामले राजनीतिक पुनर्जीवनको आश्रयका लागि हौसला प्रदान गरेको छ । जसका कारण जमिन, धर्म र पुरातन संस्कारको &lsq...

माननीय तोसिमाजी, अहिलेलाई यत्ति गर्नुस्, बाँकी पछि है !

माननीय तोसिमाजी, अहिलेलाई यत्ति गर्नुस्, बाँकी पछि है !

मंसिर २०, २०७९

तोसिमा कार्कीजी, नमस्कार ! सांसद हुनु भएकोमा सबैभन्दा पहिला तपाईंलाई बधाई र शुभकामना । तपाईंसँग मेरो प्रत्यक्ष भेटघाट र कुराकानी भएको छैन । खासमा चुनावअघि नै मेरो छिमेकका साथीहरूले तपाईंलाई टोलमा...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

ad
x