काभ्रेपलान्चोक २ बाट प्रतिनिधि सभातर्फ नेकपा एमालेका गोकुलप्रसाद बास्कोटाले मतान्तर बढाउँदै लगेका छन् । मतगणनाको पछिल्लो परिणामअनुसार बास्कोटा सत्ता गठबन्धनका तर्फबाट नेकपा माओवादी केन्द्रका शिवप्रसाद हुमागाईभन्दा २ हजार ४८८ मतले अघि छन् ।  

पछिल्लो मत परिणामअनुसार एमालेका बास्कोटाले ३३ हजार २७१ मत प्राप्त गरेका छन् । उनका हुमागाईले ३२ हजार ७८३ मतसहित पच्छ्याइरहेका छन्  ।

बास्कोटा यसअघि २०७४ सालमा पनि तत्कालीन वाम गठबन्धनको तर्फबाट प्रतिनिधि सभा सदस्य पदमा निर्वाचित भएका थिए । उनी एमाले अध्यक्ष केपी ओली नेतृत्वको सरकारमा सञ्चार तथा सूचना प्रविधि मन्त्रीसमेत बनेका थिए ।