धनुषाको २ नम्बर निर्वाचन क्षेत्रमा नेपाली कांग्रेसका नेता रामकृष्ण यादवको जीत भएको छ ।

नेकपा एमालेका उम्मेदवार उमाशंकर अरगरियासँग भएको प्रतिस्पर्धामा १५७ मतको अन्तरले उनी निर्वाचित भएका हुन् ।

पूर्व कृषि मन्त्री समेत रहेका यादवले २० हजार ११२ मत ल्याउँदा एमालेका अरगरियाले १९ हजार ९५५ मत ल्याएका छन् । अरगरियाले २०७४ सालको निर्वाचनमा जितेका थिए ।
 
नेकपा एकीकृत समाजवादीका नेता रामचन्द्र झाले १३ हजार ६०५ मत ल्याएका छन् भने जनता समाजवादी पार्टीका आनन्द यादवले १२ हजार ९०१ मत ल्याएका छन् । जनमत पार्टीका जयनारायण साहले ९ हजार ९९२ मत ल्याएका छन् ।