नेकपा एकीकृत समाजवादी पार्टीका नेता तथा डोल्पाबाट प्रतिनिधिसभा सदस्यमा निर्वाचित धनबहादुर बुढाले सांसदका रुपमा पाउने सम्पूर्ण सेवा सुविधा समाजसेवामा खर्चिने भएका छन् । पाँच वर्षसम्म सरकारबाट पाउने सेवासुविधा मठमन्दिर, गुम्बा र विद्यालय निर्माण तथा मर्मतमा खर्च गर्ने उनको भनाइ छ । 

विजयी भएपछि जिल्लाका सञ्चारकर्मीहरूसँग कुराकानी गर्दै उनले सो रकम विपन्न बालबालिकाको पठनपाठनमा पनि खर्चिने बताए । यस्तै बुढाले भेरी करिडोर स्तरोन्नति, मसिनेचौर विमानस्थलमा परीक्षण उडानलगायतका योजनाहरुलाई विशेष प्राथमिकतामा राखेर काम गर्ने पनि प्रतिबद्धता जनाए । 

एमालेका गणेश बहादुर शाहीलाई पराजित गर्दै बुढा प्रतिनिधिसभा सदस्यमा विजयी भएका हुन् । उनले ११२९२ मत पाउँदा ५५०५ मत पाए । यसअघि पनि बुढा दुई पटक डोल्पाबाट विजयी भएका थिए ।