जसपा संघीय परिषदका अध्यक्ष अशोक राईलाई पछि पार्दै राष्ट्रिय स्वतन्त्र पार्टीकी गोमा तामाङले सुनसरी १ मा अग्रता लिइरहेकी छिन् । राईलाई नेकपा एमालेसमेतको समर्थन रहेको भएपनि जारी मतगणनामा पछि परेका हुन् । 
 शनिवार रातिसम्म जारी गणनामा गोमाले ११ हजार २ सय ४७ मत पाउँदा अशोक राईले १० हजार २ सय ३६ मत पाएका छन् । यस्तै सत्ता गठबन्धनका साझा उम्मेदवार माओवादीका मुक्सामहाङ सुब्बाले ८ हजार ४ सय ५१ मत पाएका छन् । 
हर्क साङपाङ मेयर रहेको धरानको भूभाग समेत पर्ने यो क्षेत्रमा गोमाले हर्क शैलीमा प्रचार गरेकी थिइन् । सुनसरीका अन्य क्षेत्रमा पनि घण्टी चिन्हवाला उम्मेदवारले राम्रो मत पाइरहेका छन् । राष्ट्रि स्वतन्त्र पार्टीले काठमाडौं उपत्यकामा ५ र चितवनमा २ गरी ७ सीट सुरक्षित गरिसकेको छ । समानुपातिक तर्फपनि उसले ५ लाख भन्दा बढी मत पाइसकेको छ ।