राष्ट्रिय स्वतन्त्र पार्टीले निर्वाचनको पूर्ण नतिजा आएपछि सरकारमा सहभागिताबारे निर्णय लिने बताएको छ । सो पार्टीका सभापति रवि लामिछानेले आफूहरूले केन्द्रीय राजनीतिको हालको परिस्थितिलाई नजिकबाट नियालिरहेको भन्दै निर्वाचनको पूर्ण नतिजा आएपछि निर्णयमा पुगिने बताए । 

‘केन्द्रीय  राजनीतिको हालको परिस्थितिलाई हामी नजिकबाट नियाली रहेका छौँ। निर्वाचनको पूर्ण नतिजा आए पछि निर्णयमा पुग्छौँ’, उनको भनाइ छ । उनले पार्टीलाई जनताले के गर्न भनेर भोट दिएका हुन् भन्ने हेक्का रहेको भन्दै धैर्य गर्न सबैसँग सामाजिक सञ्जालमार्फत आग्रह गरेका छन् ।