कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मंसिर १३, २०७९
प्रदेश १ प्रदेश सभाको प्रत्यक्षतर्फको सबै मत परिणाम आइनसक्दै आगामी सरकारबारे जोडघटाउ शुरु भएको छ । ५६ निर्वाचन क्षेत्रमध्ये ५३ क्षेत्रको मतपरिणाम सार्वजनिक भइसकेको छ । ३ क्षेत्रको मतपरिणाम आउने क्रममा रहेको छ ।
समानुपातिकतर्फ पनि मतगणना अन्तिम चरणमा पुगेको छ । अहिलेसम्म प्रत्यक्षतर्फ मतपरिणाम घोषणा भएका ५३ क्षेत्रमध्ये नेकपा एमालेले २४ सिट जित्दै ठूलो दल बनेको छ । नेपाली कांग्रेसले १५, नेकपा माओवादी केन्द्रले ९, नेकपा एकीकृत समाजवादीले ३ र राप्रपाले २ सिट जितेका छन् । सत्ता गठबन्धनमा रहेका तीनवटा पार्टी मिल्दा २७ सिट रहेको छ भने एमाले–राप्रपा गठबन्धनको २६ सिट छ ।
मतगणना जारी रहेका प्रदेश सभातर्फ सुनसरी क्षेत्र नं. ३(२), क्षेत्र नं. ४(१) र ४(२) को भने परिणाम आइसकेको छैन । सुनसरी क्षेत्र नं. ३(२)मा एमालेले अग्रता लिइरहेको छ । यो समाचार तयार पार्दासम्म एमालेका रामदेव यादवले १५ हजार ३८० मत ल्याएका छन् । उनलाई काग्रेसका विन्देश्वर यादव १४ हजार ३१५ मत ल्याएर पच्छ्याइरहेका छन् ।
सुनसरी ४(१)मा कांग्रेसका सदानन्द मण्डल ११ हजार ८४१ मतसहित अग्रस्थानमा रहँदा जसपाका पर्शुराम बस्नेतले ८ हजार ९३६ मत ल्याएका छन् । ४(२)मा पनि काग्रेसले नै अग्रता लिइरहेको छ । कांग्रेसका इस्राईल मन्सुरीले ११ हजार ६०९ मत ल्याएका छन् भने एमालेका अब्बास अन्सारीले ९ हजार ८१२ मत प्राप्त गरी पच्छ्याइरहेका छन् ।
गणना जारी रहेका तीन क्षेत्रमध्ये कांग्रेसले २ र एमालेले १ सिट जित्ने संभावना छ । अग्रस्थानमै रहेका उम्मेदवारले चुनाव जिते सत्ता गठबन्धनले प्रत्यक्षमा २९ सिट पुर्याउने छ । विपक्षी गठबन्धनले २७ सिट पुर्याउनेछ ।
प्रत्यक्षको मत परिणाम टुंगो लाग्दा सत्ता गठबन्धनलाई सरकार गठनका लागि १८ सिट अपुग हुनेछ, भने एमाले–राप्रपाले २० सिट थप खोज्नुपर्ने छ ।
यस्तो हुनसक्छ समानुपातिकको हिसाब
प्रदेश १ मा १७ लाख १५ हजार ५०७ मत समानुपातिकतर्फ गणना भएको सदर मत हो । यसमध्ये एमाले धेरै मत प्राप्त गरेको छ । एमालेले हालसम्म ५ लाख ९९ हजार ९५९, कांग्रेसले ५ लाख ३ हजार १६३, राप्रपाले १ लाख ८२ हजार ९०९ र माओवादीले १ लाख ६८ हजार ७३४ मत प्राप्त गरेको छ ।
जसपाले ५५ हजार ३१७ र नेकपा एकीकृत समाजवादीले ५० हजार ८७५ मत पाएका छन् । यस्तै संघीय लोकतान्त्रिक राष्ट्रिय मञ्चले पनि २६ हजार ३६ मत पाएर प्रदेशमा थ्रेस होल्ड कटाएको छ । समानुपातिकतर्फ ९० प्रतिशतभन्दा बढी मत गणना भइसकेको छ । अहिलेसम्मको परिणामले एमालेले १४, कांग्रेसले १२, माओवादीले ४, राप्रपाले ४, जसपाले १, एकीकृत समाजवादीले १ र संघीय लिम्बूवानले १ सीट पाउने देखिन्छ ।
१ सिटे जसपा र लिम्बुवान निर्णायक !
यदि समानुपातिकको यो नै अन्तिम सिट भएमा एमाले र राप्रपाको मत जोड्दा सरकार गठनका लागि जम्मा २ मत पुग्ने छैन । जसपा पनि एमालेसँग तालमेल गरेर निर्वाचनमा गएको हुनाले जसपाको समर्थन एमाले-राप्रपालाई हुने अनुमान गर्न सकिन्छ । त्यस्तो अवस्थामा लिम्बुवान सांसद सरकार गठनका लागि निर्णायक हुने देखिन्छ ।
प्रदेश १ मा संघीय लिम्बुवान सरकारमै रहेकाले उसको समर्थन सत्ता गठबन्धनलाई नै हुने अपेक्षा सत्ता गठबन्धनका नेताहरूले गरेका छन् । एमाले पनि उक्त एक सिट तान्ने दाउमा हुने छ । जसले सत्ता निर्माणको खेललाई रोचक बनाउने देखिन्छ ।
प्रधानमन्त्री शेरबहादुर देउवाले संघीय सरकारबाट जसपाका मन्त्रीहरू बर्खास्त गरे पनि प्रदेश १ का मुख्यमन्त्री राजेन्द्र राईले भने बर्खास्त नगरेको र एमालेले समर्थन गरेका जसपाका उम्मेदवार पराजय भएकाले पनि जसपाले सत्ता गठबन्धनलाई सघाउने अपेक्षा गरिएको छ । त्यस्तो अवस्थामा सरकार निर्माणको अर्को रोचक दृश्य देखिने छ । एमाले र राप्रपालाई बाहिर राखेर सरकार निर्माणको प्रयास हुनेसक्ने संभावनालाई पनि नकार्न सकिन्न । यद्यपि, प्रदेश सरकार निर्माणका लागि संघीय सरकार निर्माणका लागि बन्ने समीकरणले प्रभाव पार्ने छ । हालसम्मको अभ्यासमा प्रदेशलाई स्वायत्त नछाडिएकाले केन्द्र सरकार निर्माणका लागि बन्ने समीकरणले प्रदेश सरकारको समीकरण उलटफेर हुनसक्छ ।
प्रदेश १ मा कांग्रेस, माओवादी केन्द्र र एकीकृत समाजवादी तथा एमाले, राप्रपा र जसपाले छुट्टाछुट्टै गठबन्धन बनाएर चुनावमा होमिएका थिए । सत्तारुढ गठबन्धनबाट कांग्रेसका २६, माओवादी केन्द्रका १९ र एकीकृत समाजवादीका ११ उम्मेदवार थिए भने नेकपा एमालेले झापाका २ प्रदेश सभा राप्रपालाई तथा सुनसरीको १ र मोरङको १ प्रदेश सभा जसपालाई छाडेर ५२ सीटमा उम्मेदवार उठाएको थियो । एमालेको समर्थन पाएका राप्रपाका दुवै उम्मेदवार भक्तिप्रसाद सिटौला र सविना बजगाईं विजयी भएका छन् । एमालेको समर्थन पाएका जसपाका उम्मेदवारहरू मोरङमा जयराम यादव पराजित भइसकेका छन् । सुनसरीका पर्शुराम बस्नेतको पनि मतान्तर फरक भएकाले जित्ने सम्भावना कम देखिन्छ ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...