निर्वाचनमा देखिएको जनताको असन्तुष्टि र व्यक्त भएको विद्रोहलाई राजनीतिक दलहरुले बेलैमा बुझ्नुपर्नेमा  भोजपुरबाट निर्वाचित सांसद सुदन किरातीले बताएका छन् । माओवादी केन्द्रका पोलिटव्यूरो सदस्य समेत रहेका सांसद किरातीले मंगलबार भोजपुरको हतुवागढीमा आयोजित एक कार्यक्रमलाई सम्बोधन गर्दै यस्तो बताएका हुन् । 

किरातीले भने, “निर्वाचनमा देखिएको जनताको असन्तुष्टि र व्यक्त भएको विद्रोहलाई नेपालका राजनितिक दलहरुले बेलैमा बुझेर रुपान्तरण हुनु पर्छ  । अन्यथा  पुराना र ठूला भनिएका पार्टीहरुको अवस्था दन्त्य कथामा सीमित हुनेछ ।’

उनले गठबन्धनलाई थप मजबुद बनाउँदै लैजानुपर्नेमा जोड दिँदै सुशासन र जनजीविकाको सवाललाई प्रभाकारी कार्यन्वयन गरिनुपर्ने बताए । 

किरातीले एमाले अध्यक्ष ओली बाहेकका सच्चा कम्युनिष्टहरुको एकता र बाम ध्रुवीकरण तत्काल अघि बढाउनु अहिलेको आवश्यकता रहेको समेत  बताए ।