निर्वाचन आयोगले प्रतिनिधिसभाको समानुपातिकतर्फ हालसम्म ९९ लाख ८८ हजार ५८५ मत गणना सम्पन्न भएको जनाएको छ । जसअनुसार ७ वटा पार्टीको थ्रेस होल्ड कटेर राष्ट्रिय पार्टी बनेका छन् भने नेकपा एकीकृत समाजवादी पार्टी थ्रेस होल्ड भेट्न संघर्षरत छ । 

हालसम्मको मतगणनाअनुसार २६ लाख ९२ हजार मतसहित एमाले पहिलो स्थानमा छ । यस्तै दोस्रोमा रहेको कांग्रेसले २५ लाख ४६ हजार मत पाउँदा तेस्रोमा रहेको माओवादी केन्द्रले ११ लाख ४३ हजार मत पाएको छ । 
यसैगरी राष्ट्रिय स्वतन्त्र पार्टीले १० लाख ९८ हजार मत पाउँदा राप्रपाले ५ लाख ६९ हजार मत पाएको छ । 

यस्तै जसपाले ३ लाख ८८ हजार तथा जनमत पार्टीले ३ लाख ४८ हजार मत पाएको छ । यस्तै थ्रेसहोल्डका लागि संघर्षरत एकीकृत समाजवादी पार्टीले २ लाख ८१ हजार मत पाएको छ भने नागरिक उन्मुक्ति पार्टीले २ लाख ४७ हजार र लोसपाले १ लाख ४७ हजार मत पाएको निर्वाचन अयाोगले जनाएको छ । 
कुल मत विवरणः