भारतको गुजरातमा आज बिहीवार विधानसभा चुनाव हुँदैछ । पहिलो चरणमा ८९ क्षेत्रमा चुनाव हुन लागेको हो ।

गुजरातमा लामो समयदेखि भारतीय जनता पार्टी (भाजपा) नेतृत्वको सरकार छ । गुजरातबाटै उदाएका नेता नरेन्द्र मोदी भारतका प्रधानमन्त्री भइसकेका छन् ।

यसपालिको चुनावमा गुजरातले ‘परिवर्तन’ चाहेको भन्दै आम आदमी पार्टी (आप) उत्साहित भएको छ । दिल्ली, पञ्जाबपछि अब गुजरातमा पनि आफ्नो सरकार बन्ने आपको दाबी छ । 

भारतीय सञ्चारमाध्यमका अनुसार बिहीवार १४ हजार ३८२ मतदान केन्द्रमा बिहान ८ बजेदेखि मतदान हुनेछ । चुनावमा ७८८ उम्मेदवार रहेका छन् ।