स्पेनको मड्रिडमा रहेको युक्रेनी दूतावासमा बुधवार बम विस्फोट हुँदा त्यहाँका एक कर्मचारी घाइते भएका छन् । 

ती कर्मचारीले समातेको चिट्ठीमा बम थियो । उनलाई हलुका चोटपटक लागेको छ र अस्पतालमा उपचार चलिरहेको छ । 

घटना स्थानीय समयअनुसार दिउँसो १ः१७ मा भएको हो । दूतावास स्वयंले घटनाको जानकारी स्पेनी अधिकारीहरूलाई दिएको छ । 

शहरमा प्रतिआतंकवादी प्रोटोकललाई सक्रिय बनाइएको छ । 

राष्ट्रिय प्रहरीले घटनाको अनुसन्धान थालेको छ । 

बम राखिएको चिट्ठी युक्रेनी राजदूतलाई सम्बोधन गरेर लेखिएको हो । त्यसमा सानो घरेलु बम थियो । दूतावासका सुरक्षाकर्मीहरूले त्यो बम पत्ता लगाएनन् ।