स्याङ्जा क्षेत्र नम्बर २ मा नेपाली कांग्रेसका उपसभापति धनराज गुरुङले अग्रता फराकिलो बनाउँदै लगेका छन् ।

बिहीवार मध्याह्न १२ बजेसम्मको अपडेटमा धनराजले अग्रता १ हजार ३२७ मतको अग्रता बनाएका हुन् ।

धनराजले ५ हजार ३१४ मत पाउँदा नेकपा एमालेकी सचिव पद्मा अर्यालले ३ हजार ९८७ मत पाएकी छन् ।

राष्ट्रिय स्वतन्त्र पार्टीका टिकराज गुरुङ १ हजार २८४ मत पाएर तेस्रो स्थानमा छन् ।

निर्वाचन सम्पन्न भएको डेढ सातापछि मात्र गणना शुरू भएको हो ।

बुथ कब्जा भएको भन्दै पुन: मतदानको माग राखेर एमालेले गणनामा अवरोध गर्दै आएको थियो ।

निर्वाचन आयोगले तत्काल गणना शुरू गर्न बुधवार निर्देशन दिएपछि बिहीवार बिहानदेखि मत गन्न शुरू भएको हो ।