राष्ट्रिय स्वतन्त्र पार्टीका सभापति रवि लामिछाले २०५२ सालदेखि अलपत्र रहेको चितवनस्थित आफ्नो निर्वाचन क्षेत्रको खानेपानी आयोजना बनाउन लागिपरेका छन् । 

रामगरका स्थानीय बासिन्दासमेतको  अग्रसरताले जुगेडी खोलाको पानी छिट्टै रामनगर पुग्ने लामिछानेले सामाजिक सञ्जालमार्फत जनाएका छन् । शुक्रबार पाइप बिछाउने स्थानको करिब २.५ किमीमा झाडी फाँड्ने र खाडल खन्ने काम भएको उनले बताएका छन् । 

यस्तै सशस्त्र प्रहरी बलले मुहानमा इन्टेक सफा गरिरहेको भन्दै लामिछालेले फेसबुकमा लेखेका छन्, ‘२०५२ सालदेखि अलपत्र यो योजना अब हामी मिलेर  सम्भव बनाउँदैछौ।’ लामिछाने चितवन क्षेत्र नम्बर २ बाट विजयी भएका थिए भने उनले जिल्लाको विकास निर्माणको काममा जनतासँग हातेमालो गर्न सुरु गरिसकेका छन् ।