काठमाडौं महानगरपालिकाले सरकारी तथा सार्वजनिक कार्यालय, संस्थान,  विभिन्न  प्रतिष्ठान,  स्वास्थ्य  तथा  शैक्षिक  संस्था,  गैह्रसरकारी  संस्था,  कम्पनी  तथा  अन्य  प्रकृतिका  निजी  कार्यालयको  परिसर सफा सुग्गर राख्न आग्रह गरेको छ । 

  नियमित सरसफाइ नगरेका कारण यत्रतत्र छरिएर रहेका पुराना उपकरण तथा  अन्य  प्रकृतिका  फोहोर मैलाले  सो स्थान  मात्र  नभई  सिङ्गो सहरको सुन्दरतामा नै ह्रास आएको महानगरपालिकाले जनाएको छ । 
महानगरपालिकाले फोहोर व्यवस्थापन गर्नुपर्ने हरेक व्यक्ति तथा निकायको कानूनी कर्तव्य भएको भन्दै सबै  सरकारी  तथा  निजी  कार्यालयहरूले  आफ्नो  परिसरको  फोहोर  मैला  ३५  दिनभित्र  आफैँ  व्यवस्थापन  गरी  सहरलाई  सफासुग्घर राख्न सहयोग गर्न आग्रह गरेको छ । 

 अन्यथा प्रचलित कानून बमोजिम दण्ड जरिवाना गरिने र फोहोर मैला व्यवस्थापन गर्न लागेको खर्च समेत सम्बन्धित  कार्यालयबाटै  असुल  गरिने महानगरपलिकाले स्पष्ट गरेको छ ।   त्यस्ता  कार्यालयको  नाम  सार्वजनिकसमेत गरिने महानगरपालिकाले सूचनामार्फत जनाएको छ ।