सर्वोच्च अदालतको मुख्य प्रवेशद्वारमा धर्नामा बसेका कानून व्यवसायीहरूमाथि जुत्ता प्रहार भएको छ ।

एक अधवैंशे महिलाले आफूले लगाएको जुत्ता खोलेर प्रहार गरेकी हुन् । उनले बार मुर्दावाद, वकिलहरू मुर्दावाद, चोलेन्द्र श्रीमान् जिन्दावाद भन्दै नारा समेत लगाएकी थिइन् ।

प्रहरीका अनुसार जुत्ता प्रहार गर्ने महिलाको नाम तारा बराल हो । उनले आफूलाई सामाजिक अभियन्ता बताउने गरेकी छन् ।

गेट बाहिरबाट फालेको जुत्ताले कसैलाई लाग्न भने पाएन । तत्कालै प्रहरीले ती महिलालाई नियन्त्रणमा लिएको छ ।

आफूमाथिको महाभियोग निष्क्रिय भएको भन्दै चोलेन्द्र प्रधानन्यायाधीशकै रूपमा सर्वोच्चमा हाजिर हुने तयारी गरेपछि नेपाल बार एसोसिएसन र सर्वोच्च वार एसोसिएसनको अगुवाइमा वकिलहरू धर्नामा बसेका छन् ।

चोलेन्द्रलाई सर्वोच्च प्रवेश गर्न नदिने उनीहरूको अडान छ । महाभियोग लाग्नुभन्दा अघिबाटै बार चोलेन्द्रविरुद्ध आन्दोलित छ ।