गुजरात विधानसभा निर्वाचनमा सत्तारूढ भारतीय जनता पार्टी प्रचण्ड बहुमततर्फ लम्किँदै गर्दा कांग्रेस चाहिँ इतिहासकै सबभन्दा कमजोर प्रदर्शन गरिरहेको छ । 

विगत ६ दशकमा कांग्रेसले कहिले पनि यति कम सीट ल्याएको थिएन । राम मन्दिर आन्दोलन तथा इन्दिरा गान्धीको संकटकालमा समेत कांग्रेसले यस्तो बेइज्जतीपूर्ण हार बेहोर्नुपरेको थिएन । 

गुजरातमा कुल १८२ विधानसभा सीट छन् । भाजपाले १५४ सीटमा अग्रता बनाउँदा कांग्रेस जम्मा १९ सीटमा अघि छ । आम आदमी पार्टी चाहिँ ६ सीटमा अगाडि छ । 

कांग्रेसको खातामा यति मात्र सीट आएमा उसको इतिहासकै सबभन्दा खराब हार हुनेछ । 

कांग्रेसको भोट शेयर पनि निकै खस्केको छ ।