माघ १८, २०८०
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
पुस १० गते नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ प्रधानमन्त्री नियुक्त भएलगत्तै लामो समयदेखि बन्द रहेका रसुवागढी–केरुङलगायतका उत्तरी नाका खुले । कोभिड संक्रमणको कारण देखाउँदै बन्द रहेका नाका सन् २०२२ को अन्तिमतिर चीन र भारतमा नयाँ भेरियन्टको संक्रमण शुरू भएकै समयमा खुले । संयोग नै भन्नुपर्छ, यही समयमा केरुङ–काठमाडौं रेल्वेको सम्भाव्यता अध्ययनका लागि चिनियाँ टोली काठमाडौं आइपुग्यो । नेपालमा प्रचण्ड प्रधानमन्त्री बन्नु र चिनियाँ नाका खुल्नुलाई कतिपले नेपालमा चीन हावी भएको संकेतका रूपमा व्याख्या गर्न थालेका छन् ।
माओवादी अध्यक्ष प्रचण्ड प्रधानमन्त्री भएसँगै भारतका मिडियाहरूले नेपालका कम्युनिस्टलाई चीनले मिलाइदिएको खालका भाष्य स्थापित गर्न थालेका छन् ।
पार्टीको नाम नै चिनियाँ नेताको नामसँग मिल्ने भएपछि भ्रम फैलाउनेका लागि मसला हुने भइहाल्यो । नेपाल मामिलामा भारतीय मिडियाको एउटै भाषा हुने गर्छ– ‘नेपालमा नहीं गलेकी चीनकी दाल ।’
नेपालमा अहिले चीनको दाल गलेको हो कि भन्ने चिन्ता भारतमा देखिन्छ । यद्यपि कतिपय भारतीय मिडियाले उचाले जस्तो अवस्था होइन ।
प्रचण्ड प्रधानमन्त्री भएलगत्तै भारतीय प्रधानमन्त्री नरेन्द्र मोदीले ट्वीटरमार्फत बधाई दिँदै लेखे, ‘ भारत र नेपालबीच जनता-जनताबीचको न्यायो मित्रतालाई अझ मजबुत बनाउन म तपाईंसँग मिलेर काम गर्न तत्पर छु ।’
सामान्यतः मोदीले प्रधानमन्त्रीले शपथ लिएपछि बधाई दिने गरेका थिए । सन् २०१४ मा प्रधानमन्त्री बनेपछि मोदीले नेपालका ७ प्रधानमन्त्रीलाई बधाई दिइसकेका छन् । स्व. सुशील कोइराला प्रधानमन्त्री बनेको समयमा मोदी नेपाल आएका थिए । त्यसयता नेपालमा ७ जना प्रधानमन्त्री बनिसकेका छन् । सबै प्रधानमन्त्रीलाई दिल्लीले रातो कार्पेट ओछ्याएकै छ । मोदीले सबैको प्रशंसा नै गरिरहेका हुन्छन् ।
काठमाडौंमा कूटनीतिक रेस्लिङ
राष्ट्रपतिले ७ दिनको समय दिएर सरकार गठनका लागि आह्वान गरेसँगै काठमाडौंमा शक्ति केन्द्रहरू सक्रिय बनेको सुरक्षा स्रोतहरू बताउँछन् ।
धेरै हल्ला गर्दा कुरो बिग्रन सक्ने आशंकाले छोटो समयमा बालकोट गठबन्धन बन्यो । राष्ट्रपतिले दिएको समय सकिन ४ घण्टा बाँकी रहेको समयमा दलका नेताहरू बालकोटमा भेला भए । त्यहीँ सहमति गरे । लस्कर लागेर शीतलनिवास पुगे र राष्ट्रपतिले प्रधानमन्त्री नियुक्ति नगर्दासम्म कुरेरै बसे ।
नेपालमा अकस्मात् भएको विकासक्रमले कूटनीतिक जगतमा समेत हलचल पैदा भएको जानकारहरू बताउँछन् । सरकार गठनपूर्व र गठनपछि नेपालमा कूटनीतिज्ञहरूको रेस्लिङ नै चलेको एक पूर्व राजदूतले टिप्पणी गरे ।
पुस १४ गते नेपालका लागि अमेरिकी राजदूत डीन थम्सनले बालुवाटारमा गएर प्रचण्डलाई बधाई दिए । बालुवाटारमा नयाँ प्रधानमन्त्रीलाई बधाई दिने अमेरिकी राजदूत पहिलो बने । राजदूतले भेट्नुअघि नै अमेरिकाले प्रचण्डलाई बधाई दिएको थियो ।
त्यसको भोलिपल्ट १५ गते शुक्रवार बिहान नेपालका लागि भारतीय राजदूत नवीन श्रीवास्तव भारतीय प्रधानमन्त्री मोदीले पठाएको बधाई पत्र लिएर बालुवाटार पुगे । स्रोतका अनुसार त्यसै अवसरमा राजदूतले प्रचण्डलाई भारत भ्रमणको पनि निम्तो दिएका छन् ।
भारतीय राजदूतले मोदीले पठाएको बधाई सन्देश बुझाएको केही घण्टामै चिनियाँ दूतावासका प्रतिनिधि चिनियाँ प्रधानमन्त्रीले पठाएको बधाई सन्देश लिएर बालुवाटार पुगे । ली खछ्याङले पठाएको बधाई पत्र बोकेर चिनियाँ दूतावासका अधिकारी बालुवाटार पुगेका थिए ।
पछिल्ला वर्षमा अमेरिकी आर्थिक सहयोग कार्यक्रम मिलेनियम च्यालेन्ज कर्पोरेसन (एमसीसी), अमेरिकी राज्य साझेदारी कार्यक्रम (एसपीपी), इन्डो प्यासिफिक रणनीति तथा बेल्ट एन्ड रोड इनिसिएटिभ (बीआरआई) जस्ता विषयले नेपालमा कूटनीतिक रेस्लिङ चलिरहेको छ । एमसीसी र बीआरआईको विवाद सरकारले मात्र होइन राजनीतिक दलले समेत सामना गर्नुपर्यो ।
प्रतिनिधि सभाबाट व्याख्यात्मक घोषणासहित पारित भएको एमसीसी कार्यान्वयनको चरणमा जाँदैछ, तर त्यो व्याख्यात्मक घोषणालाई अमेरिकाले मान्यता दिएको छैन ।
प्रचण्ड प्रधानमन्त्री रहेको समयमा यो विषय फेरि गिजोलिने सम्भावना पनि रहेको जानकारहरू बताउँछन् । स्मरणीय छ, एमसीसीकै कारण यसअघि कांग्रेस र माओवादी गठबन्धन विघटनको डिलमा पुगेको थियो ।
नयाँ सरकार, बढ्दो चासो
निवर्तमान गृहमन्त्री बालकृष्ण खाणले शनिवार बुटवलमा आयोजित एक कार्यक्रममा नेपालको राजनीतिमा बाह्य हस्तक्षेप बढेको दाबी गरे ।
बाह्य हस्तक्षेपकै कारण कांग्रेसलाई प्रतिकूल अवस्थामा पुर्याएको पनि उनले दाबी गरे ।
खाणले मुख फोरे पनि कांग्रेसका अन्य नेताहरू पनि नेपालमा नाटकीय ढंगले कम्युनिस्टबहुल सरकार बनाउनमा चीनको भूमिका रहेको विश्लेषण गरिरहेका छन् ।
मानिसहरूलाई अहिले पनि के भ्रम छ भने नेपालमा कम्युनिस्टहरू चीनसँग निकट छन् या चीनबाट परिचालित छन्, जबकि वास्तविकता कतै मेल खाँदैन ।
भारतका लागि पूर्व नेपाली राजदूत दीपकुमार उपाध्यायले लोकान्तरसँगको पछिल्लो कुराकानीमा आईएनजीओसँगको निकटताका कारण विश्वमै नेपालका कम्युनिस्टसँग काम गर्न सजिलो हुन्छ भनेर कूटनीतिज्ञहरूले भन्ने गरेको प्रसंग सुनाएका थिए ।
नयाँ सरकार गठनसँगै आफ्नो शक्ति र प्रभाव बढाउन शक्तिकेन्द्रले प्रतिस्पर्धा गरिरहेका छन् । भारतका लागि अर्का एक पूर्व नेपाली राजदूत नेपालमा अहिले बनेको समीकरणको पक्षमा भारत नरहे पनि नयाँ सरकारलाई आफू अनुकूल बनाउन उसले प्रयास गर्ने बताउँछन् ।
‘भारतको चाहना अहिले कांग्रेसको नेतृत्व या कांग्रेसको समर्थन रहेको सरकार बनोस् भन्ने थियो, त्यसो भएन भन्दैमा उसले अहिलेको सरकारको विरोध गर्दैन, बरु आफू अनुकूल बनाउन प्रयास गर्छ,’ उनले लोकान्तरसँग भने ।
नेपालमा नयाँ सरकार बनेसँगै शक्तिकेन्द्रले आफ्नो सक्रियता बढाउनु स्वाभाविक भए पनि प्रधानमन्त्रीले सन्तुलन कायम राख्नुपर्ने कूटनीतिक मामिलाका जानकारहरू बताउँछन् ।
चीनका लागि पूर्व नेपाली राजदूत टंक कार्की असंलग्नता र तटस्थताको मामिलामा प्रधानमन्त्री तरबारको धारमा हिँड्न सक्नुपर्ने बताउँछन् ।
‘नयाँ सरकार गठन भएसँगै नेपाल आफ्नो काखमा बसिराखोस् भन्ने शक्ति राष्ट्रको चाहना होला । चाहे जुनसुकै सरकार होस्, फरेन पोलिसी आइडियोलोजीले गाइड गर्नुहुँदैन । असंलग्नता र तटस्थताको मामिलामा तरबारको धारमा हिँड्न सक्नुपर्छ,’ कार्कीले लोकान्तरसँग भने ।
प्रचण्डको अग्निपरीक्षा
२०६५ भदौमा प्रधानमन्त्री बनेपछि प्रचण्ड पहिलो विदेश भ्रमणको रूपमा चीन गएका थिए, ओलम्पिक खेलको उद्घाटन समारोहमा भाग लिन ।
प्रचण्डको पहिलो चीन भ्रमणलाई क्रमभंगता पनि भनिएको थियो । तर चीनबाट फर्केपछि विमानस्थलमा प्रचण्डले पहिलो औपचारिक भ्रमण भारतबाट गर्ने बताए । र, औपचारिक भ्रमण भारतबाटै गरे । तर, प्रचण्डको पहिलो कार्यकाल बिर्सनलायक रह्यो । अपर्झट सत्ताबाट बाहिरिनुपरेको झोकमा प्रचण्डले भारतलाई ‘मालिक’को संज्ञा दिँदै बानेश्वरको चोकबाट चर्को आक्रोश व्यक्त गरे ।
आक्रोश मत्थर हुँदै दोस्रोपटक प्रधानमन्त्री बन्न प्रचण्डले लामो समय धैर्य गर्नुपर्यो । भारतको विश्वास जित्न धेरै पर्यत्न गर्नुपर्यो । २०७३ सालमा दोस्रोपटक प्रधानमन्त्री बनेर भारत भ्रमण गर्नुअघि एक पत्रिकालाई दिएको अन्तर्वार्तामा प्रचण्डले नरेन्द्र मोदीसँग आफ्नो ‘केमस्ट्री’ मिल्ने दाबी गरे । प्रचण्डको त्यो दाबीलाई लिएर नेपालको संसदमा व्यंग्य समेत भएको थियो ।
तेस्रो कार्यकालको प्रधानमन्त्री बन्नुअघि भारतसँग विश्वास बढाउन प्रचण्डले कुनै कसर बाँकी राखेका छैनन् । चुनावभन्दा अगावै उनले भाजपाको कार्यालयको भ्रमणदेखि नरेन्द्र मोदीका विश्वासपात्रहरूसँग भेट गरिसकेका छन् । औपचारिक घोषणा नभए पनि प्रचण्डले पहिलो औपचारिक भ्रमण भारतबाटै गर्ने निश्चित छ ।
प्रधानमन्त्री बनेपछि भारतीय टेलिभिजन एबीपी न्युजलाई दिएको अन्तवार्तामा प्रचण्डले आफू कुनै मुलुकपरस्त नबन्ने बताएका थिए । ‘मैले शुरूदेखि नै भन्दै आएको छु म प्रो–नेपालवाला लाइनमा छु । भारत, चीन र अरू अन्तर्राष्ट्रिय मित्रहरूसँग राम्रो सम्बन्ध बनाउनु सरकारको उद्देश्य हुनेछ,’ हिन्दी भाषामा दिएको अन्तर्वार्तामा प्रचण्डले भनेका छन् ।
विशिष्ट भौगोलिक अवस्था र भूराजनीतिक परिस्थितिका कारण प्रधानमन्त्रीले कूटनीतिक सन्तुलन कायम गरेरै हिँड्नु नेपालको हितमा हुने जानकारहरू बताउँछन् ।
‘हाम्रा निम्ति चीन र भारतजस्ता राइजिङ पावरसँग सेन्सेटिभ भएर काम गर्नु जरुरी छ, यसको अर्थ के होइन भने अमेरिका र युरोपलाई बेवास्ता गरेर जानुपर्छ,’ पूर्व राजदूत कार्की भन्छन् ।
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...