बेलायतका राजकुमार ह्यारीले नयाँ पुस्तक ‘स्पेयर’ मा आफूलाई दाइ विलियमले भौतिक आक्रमण गरेको दाबी गरेका छन् । 

चर्को बहसपछि दाइले भुइँमा लडाइदिएकाले आफूले थेरापिस्ट बोलाउनुपरेको उनको भनाइ छ । 

पत्नी मेगन मार्कलका विषयमा बेस्सरी झगडा भएपछि विलियमले लडाइदिँदा आफूलाई चोटपटक लागेको ह्यारीको दाबी छ । विलियमले मेगनका विषयमा पत्रिकाहरूको भाष्यलाई दोहोर्‍याएको उनी लेख्छन् । 

विलियमले मेगनलाई अडबांगी, छुच्ची र ठाडी भनेको ह्यारी लेख्छन् । त्यसपछि आफूहरूबीच झगडा भएको उनको कथन छ । घटना लन्डनमा सन् २०१९ मा भएको हो । 

अर्को साता प्रकाशित हुने पुस्तकको केही अंश द गािर्डयन पत्रिकामा छापिएको छ । त्यसमा ह्यारीले आफूलाई चोट लागेपछि पत्नीलाई नभई चिकित्सकलाई बोलाएको दाबी गरेका छन् । मेगनले पछि ह्यारीको शरीरमा घाउचोट देखेकी थिइन् । 

दाजुभाइबचि झगडा हुँदा बुवा चार्ल्सले ‘लौन केटाहरू, मेरो जीवनको अन्तिम दिनहरूलाई तनावपूर्ण नबनाओ’ भनेको पनि ह्यारीले लेखे ।